සමස්ත ලංකා ඉස්ලාම් ආගමික විද්වතුන්ගේ සභාවේ වෙසක් පොහෝ දින පණිවිඩය

මැයි 26, 2021

ACJU/NGS/2021/084

2021 මැයි 26

 

සමස්ත මිනිස් සංහතියටම තර්ජනයක් වන කෝවිඩ්-19 වසංගතයේ පසුබිම තුළ ශ්‍රී ලංකාවේ සහ ලොව පුරා සිටින බෞද්ධ සහෝදරයන්, වෙසක් පොහෝ දින සැමරීමට බලාපොරොත්තුවෙන් සිටිති. ඉතිහාසය පුරා විවිධ අවස්ථාවන්හිදී අප මෙවන් සිදුවීම්වලට මුහුණ දී ඇත්තෙමු.

අපගේ දහම් කෙරෙහි ඇති භක්තිය එවැනි විපත්වලින් මිදීමට අපට ශක්තියක් වන අතර අපගේ ගුණධර්ම ගොඩනැගීමටද රුකුලක් වෙයි.

මෙම අවස්ථාවෙහිදී, අපගේ මානව බැඳියාවන් හා සාරධර්ම ශක්තිමත් කරගනිමින්, අපගේ දහම්වල ඉගැන්වීම් පිළිපදිමින්, කොවිඩ්-19 වැළැක්වීමේ පියවර අනුගමනය කරමින් අප මාතෘභූමිය හා සියලු ජනයා සුරක්ෂිත කරමු.

ශ්‍රී ලංකාවේ සහ ලොව පුරා වෙසෙන ජනයාගේ යහමඟ, යහපත් සෞඛ්‍යය, අධ්‍යාත්මික හා සදාචාරාත්මක වර්ධනය සඳහා සර්වබලධාරි අල්ලාහ්ගෙන් ප්‍රාර්ථනා කරමු.

මෙම අභියෝගාත්මක අවස්ථාවේදී දුගී දුප්පත් ජනයාට උපකාර කරමින් ත්‍යාගශීලීව කටයුතු කරන මෙන් සමස්ත ලංකා ඉස්ලාම් ආගමික විද්වතුන්ගේ සභාව මුස්ලිම් ප්‍රජාවෙන් කාරුණිකව ඉල්ලා සිටියි.

ශ්‍රී ලංකා මුස්ලිම් ප්‍රජාව නියෝජනය කරමින් සමස්ත ලංකා ඉස්ලාම් ආගමික විද්වතුන්ගේ සභාව ආරක්ෂිත වෙසක් දිනයක් වේවා යැයි ප්‍රාර්ථනා කරයි.

 

අෂ්-ෂෙයික් එම්. අර්කම් නූරාමිත්

මහලේකම්,

සමස්ත ලංකා ඉස්ලාම් ආගමික විද්වතුන්ගේ සභාව

Last modified onබදාදා, 26 මැයි 2021 04:58

Leave a comment

Make sure you enter all the required information, indicated by an asterisk (*). HTML code is not allowed.