கால நேரம் குறிப்பிடப்படாத பொதுவான சுன்னத்தான நோன்புகளை வெள்ளிக்கிழமை, சனிக்கிழமை ஆகிய தினங்களில் ஏதாவது ஒரு தினத்தில் மாத்திரம் நோற்பது மக்ரூஹாகும் என மார்க்க அறிஞர்கள் குறிப்பிடுகின்றனர். அவ்வாறு அந்நாட்களில் ஒருவர் நோன்பு நோற்பதாயின் அதற்கு முந்திய தினத்துடன் அல்லது அதற்குப் பிந்திய தினத்துடன் சேர்த்து நோற்றுக் கொள்ள முடியும் எனவும் கூறியுள்ளனர். ஏனைய வகை நோன்புகளைப் பொருத்தவரையில் வெள்ளிக் கிழமை அல்லது சனிக்கிழமை தினத்தில் மாத்திரம் நோற்கவேண்டி ஏற்பட்டாலும் அவற்றை நோற்றுக் கொள்வதற்கு மார்க்கத்தில் அனுமதியுள்ளது. அவை ஹதீஸ்களில் தடைசெய்யப்பட்டுள்ள வகையில் சேரமாட்டாது.

இவ்வடிப்படையில், ஷாபிஈ மத்ஹபுடைய அறிஞர்களின் கருத்தின் பிரகாரம் COVID 19 பரிசோதனையில் மூக்கிலும் வாயிலும் செலுத்தப்படும் கருவி மேற்குறிப்பிட்ட எல்லைகளைத் தாண்டிச் செல்வதில்லை என இத்துறையில் தேர்ச்சி பெற்ற வைத்தியர்கள் உறுதிபடக் கூறுவதால் இவ்வாறு பரிசோதனை செய்வதால் நோன்பு முறியாது. எனினும், ஏதேனுமொரு விதத்தில் மேற்கூறப்பட்ட எல்லையை குறித்த கருவி தாண்டியது உறுதியாகத் தெரிந்தால் நோன்பு முறிந்து விடும். அதனைப் பிரிதொரு தினத்தில் கழா செய்து கொள்ள வேணடும்.

றமழானுடைய மாதம் ஏனைய பிறை மாதங்களைப் போன்று இருபத்தொன்பது அல்லது முப்பது நாட்களாகவே இருக்கும். அவ்வாறு இருபத்தெட்டாவது தினம் ஷவ்வால் பிறை தென்பட்டது நிரூபிக்கப்பட்டால், பெருநாள் கொண்டாடிவிட்டு இன்னும் ஒரு நாளில் ஒரு நோன்பைக் கழா செய்து கொள்வது அவசியமாகும்.