அகில இலங்கை ஜம்இய்யத்துல் உலமாவின் கிண்ணியா கிளை "ஈமானிய வசந்தம்" என்ற மாதாந்த கிராமிய தஃவா நிகழ்ச்சியினை சூரங்கல்,ஸலாமத் நகர் ஆகிய கிராமங்களை மையப்படுத்தி (19.01.2018) ஆம் திகதி அன்று  ஆரம்பித்துள்ளது.

இந்நிகழ்வில் பின்வரும் நிகழ்ச்சிகள் நடைபெற்றன
♦இரு பாடசாலைகளில் ஒமழுங்குபடுத்தப்பட்ட மாணவரகளுக்கான இஸ்லாமிய வழி காட்டல் நிகழ்ச்சி.
♦இரு பள்ளிவாசல்களில் ஒரே தலைப்பிலான குத்பா.
♦இரு பள்ளிவாசல்களில் பெண்களுக்கான பயான் நிகழ்ச்சி.
♦பிரதேசத்திலுள்ள பள்ளி நிருவாகிகள் கி.அபிவிருத்திச் சங்கம்,இளைஞ்சர் அமைப்புகளுடனான கலந்துரையாடல்.
♦ஒவ்வொரு மஹல்லாவுக்கும் தஃவா குழு அமைக்கப்பட்டது. தொடர்ந்து இந்நிகழ்சியை முன்னெடுக்க ஆலோசனையும் வழங்கப்பட்டது.
♦ஜம்இய்யாவின் எதிர்கால திட்டங்கள் தொடர்பாக கலந்துரையாடப்பட்டது.
♦மஃரிப் தொழுகையைத் தொடர்ந்து 9.00 மணி வரை திறந்த வெளியில் இரண்டு தலைப்புக்களில் பொது பயான் நடை பெற்றது.
♦அக்கிராமத்தில் மார்க்கப் பணியில் ஈடுபட்ட மூத்த இரு சகோதரர்கள் கௌரவிக்கப்பட்டார்கள்.

கிராமங்களில் ஈமான்,இபாதத்தை அதிகரித்து,பாவச் சூழலை தடுத்தல்,கல்வி பண்பாட்டு வளர்ச்சிக்கு உதவி கிராமிய கட்டுக் கோப்பை வலுப்படுத்துவனூடாக ஆரோக்கியமான இஸ்லாமிய சூழலை உருவாக்கும் நோக்கில் இந்நிகழ்ச்சித் திட்டம் உருவாக்கப்பட்டுள்ளது.

அன்மையில் புதிதாக தெரிவு செய்யப்பட்டுள்ள அகில இலங்கை ஜம்இய்யதுல் உலமா கிண்ணியா கிளையின்14 உப குழுக்களும் 3வருட,1வருட திட்டங்களை வகுத்து செயற்பட ஆரம்பித்துள்ள நிலையில் "ஈமானிய வசந்தம் மாதாந்த கிராமிய தஃவா நிகழ்வு" தஃவா பிரிவினால் முன்னெடுக்கப்பட்டது என்பது குறிப்பிடத்தக்கது.

ஊடகப்பிரிவு

அகில இலங்கை ஜம்இய்யத்துல் உலமா

17.01.2018 ஆம் திகதி அன்று அகில இலங்கை ஜம்இய்யத்துல் உலமாவின் அட்டுளுகம கிளையின் ஏற்பாட்டில் இம்முறை உள்ளூராட்சித் தேர்தலில் அட்டுலுகமையில் போட்டியிடும் வேட்பாளர்களுக்கான வழிகாட்டல் நிகழ்ச்சியொன்று அட்டுலுகம பெரிய பள்ளிவாசலில் இஷாத் தொழுகையின் பின் நடைபெற்றது. இந்நிகழ்வில் அபேட்சகர்கள் பலரும் கலந்துகொண்டனர்.

ஊடகப் பிரிவு

அகில இலங்கை ஜம்இய்யத்துல் உலமா

 

அகில இலங்கை ஜம்இய்யத்துல் உலமாவின் குருணாகல் மாவட்ட நிறைவேற்றுக்குழு ஒன்று கூடல் ஹொரம்பாவை மாவட்ட காரியாலயத்தில்  தலைவர் அஷ் ஷைக் சுஐப்  (தீனி) அவர்களின் தலைமையில் 17/12/2017 அன்று ஞாயிற்றுக்கிழமை காலை 10:30 மணிக்கு நடைபெற்றது. இக்கூட்டத்தில் சமூக நலன் கருதி முக்கியமான பல விடயங்கள் கலந்தாலோசிக்கப்பட்டன.

ஊடகப்பிரிவு

அகில இலங்கை ஜம்இய்யத்துல் உலமா

 

அகில இலங்கை ஜம்இய்யத்துல் உலமாவின் சமூகசேவைக் குழுவினால்  இலவச கண் பரிசோதனை மற்றும் மூக்கு கண்ணாடி வழங்கும் நிகழ்வு ஒன்று மாத்தளை  உக்குவளை மாருகொன (முனீபா பெண்கள் அரபுக் கல்லூரியில்)  17/12/2017ம் திகதி நடை பெற்றது. இந்நிகழ்வில் பல்லின மக்களும் கலந்து பயன் பெற்றனர்.

ஊடகப்பிரிவு

அகில இலங்கை ஜம்இய்யத்துல் உலமா

 

 

 அகில இலங்கை ஜம்இய்யத்துல் உலமாவின்  யடிநுவர பிரதேசக் கிளையின் ஏற்பாட்டில் “நம் இளம் சமூகத்தை சிதைகும் சீர்கேடுகளிலிருந்து பாதுகாப்போம்” எனும் தலைபில் விஷேட வழிகாட்டல் நிகழ்வு ஒன்று 2017.12.16 ஆம் திகதி யஹலத்தன்னை ரஹ்மானிய்யா ஜும்மா மஸ்ஜிதில் நடைபெற்றது. இந்நிகழ்வில் வாளிபர்கள், பெற்றோர்கள் என பலரும் கலந்து கொண்டனர்.

 

ஊடகப்பிரிவு

அகில இலங்கை ஜம்இய்யத்துல் உலமா

 

அகில இலங்கை ஜம்இய்யத்துல் உலமாவின் கண்டி மாவட்டக் கிளையின் சமூக சேவைப் பிரிவு கண்டி மாவட்ட காதி நீதிபதிகளுடன் விஷேட கலந்துரையாடல் ஒன்றை 2017.12.17 ம் தகதி ஞாயிற்றுக் கிழமை கண்டி மாவட்ட  கிளையின்காரியாலயத்தில் நடாத்தியது.
அதில் நம் சமூகத்தில் அதிகரித்து வரும் விவாகரத்துக்களை குறைக்கவும் கனவன், மனைவி இரு தரப்பினருக்குமிடையில் புரிந்துனர்வை உண்டு பன்னும் நோக்கில் அவர்களுக்கான வழிகாட்டல் நிகழ்சிகளை கண்டி மாவட்ட ஜம்இய்யா ஏற்பாடு செய்வை கண்டி மாவட்ட காதி நீதிபதிகள் பாராட்டியதுடன் பூரன ஒத்துழைப்பை வழங்குவதாகவும் ஏகமனதாக ஏற்றுக் கொண்டனர்.


அத்துடன் பின்வரும் முடிவுகள் எடுக்கப்பட்டன.

1.கண்டி மாவட்ட ஜம்இய்யாவினால் மாதாந்தம் Psychology counsling நிகழ்சிகள் ஏற்பாடு செய்தல்.(ஒவ்வொறு மாதமும் இறுதி ஞாயிற்றுக் கிழமை)

2. காதி நீதிபதிகள் அவர்களிடம் விவாகரத்திற்கு விண்ணப்பிப்பவர்களை அந் நிகழ்வில் கலந்து கொள்ள ஏற்பாடு செய்தல்.

3. அந்நிகழ்வில் கலந்து கொள்பவர்களுக்கு குழுவாகவோ அல்லது தனித்தனியாகவோ counsling செய்யப்பட்டு கண்டி மாவட்ட ஜம்இய்யாவினால் சான்றிதழ் ஒன்று வழங்குதல்.

4. காதி நீதிபதிகள் அச்சான்றிதழை பார்வையிட்ட பின்னரே தேவைப்படின் விவாகரத்திற்கான அனுமதியை வழங்குதல்.

 

ஊடகப்பிரிவு

அகில இலங்கை ஜம்இய்யத்துல் உலமா

அகில இலங்கை ஜம்இய்யத்துல் உலமாவின்  கொழும்பு கிழக்கு பிரதேசக் கிளையின் ஏற்பாட்டில் இளம் உலமாக்களை கௌரவிக்கும் நிகழ்வு ஒன்று  கொத்தட்டுவ ஜும்மா மஸ்ஜிதில் 2017.12.17 அன்று நடைபெற்றது. இந்நிகழ்வில்  கொலன்னாவை பிரதேசத்தில் வசிக்கும் 30 இளம் உலமாக்களுக்கும், முன்னைய கிளைத் தலைவர் அஷ்-ஷைக் அப்துல் முக்ஸித்  அவர்களுக்கும் விஷேட கௌரவிப்பு வழங்கப்பட்டது. இந்நிகழ்வில் மஸ்ஜித் நிருவாகிகள், மஸ்ஜித் சம்மேலன உறுப்பினர்கள், நலன்விரும்பிகள் என பலரும் கலந்து கொண்டனர்.

 

ஊடகப்பிரிவு

அகில இலங்கை ஜம்இய்யத்துல் உலமா

 

 

 அகில இலங்கை ஜம்இய்யத்துல் உலமாவின்   நீர் கொழும்பு கிளையின் ஏற்பாட்டில்   11-12-2017 திங்கட் கிழமை அன்று நீர் கொழும்பு  பிரதேச உலமாக்களுக்கான விஷேட ஒன்று கூடல் ஒன்று  நீர் கொழும்பு பெரிய பள்ளி வாசளில்  நடைப்பெற்றது.

இவ்வொன்று கூடலில் முக்கிய கருப்பொருளாக நீர் கொழும்பு பிரதேச இளம் வாலிபர்களின் மற்றும் சிறுவர்களின் எதிர்காலம் குறித்து பல  மஷூராக்கள் முன்வைக்கப்பட்டன. இறுதியில் அதற்கான வேலை திட்டங்களை முன்னெடுத்து செல்வதட்காக 15 உலமாக்கள் கொண்ட ஒரு குழு நியமிக்கப்பட்டு பிரதேச உலமாக்களும் இணைந்து செயல் படுவதாக முடிவு செய்யப்ட்டது.

 

ஊடகப்பிரிவு

அகில இலங்கை ஜம்இய்யத்துல் உலமா

அகில இலங்கை ஜம்இய்யத்துல் உலமாவின்  மடவளை கிளையினால் 9/11/17 சனிக்கிழமையன்று அல் குர்ஆன் மனனப் போட்டியில் பங்கு பற்றியவர்களுக்கான பரிசளிப்பு விழா ஒன்று இடம் பெற்றது.      இவ்விழாவில் பிரதம அதிதியாக அகில இலங்கை ஜம்இய்யாவின் கண்டி மாவட்ட  செயலாளரும், தெகியங்க அர் ரவாஹிய்யா அரபுக் கல்லூரியின் அதிபருமான அஷ் ஷேக் அப்துல் கப்பார் தீனி அவர்கள் கலந்து சிறப்பித்தார்கள்.

 

ஊடகப்பிரிவு

அகில இலங்கை ஜம்இய்யத்துல் உலமா

அகில இலங்கை ஜம்இய்யத்துல் உலமாவின் கொழும்பு மாவட்ட கிளையின் அனுசரணையில் கொழும்பு மாவட்ட அரபுக் கல்லூரியில் பயிலும் இறுதி வகுப்பு மாணவர்களுக்கான வாராந்த திறன் விருத்தி வகுப்பு இம்முறை 2017.12.09 அன்று இஸ்லாமிய பார்வையில் தலைமைத்துவமும், முகாமைத்துவமும் எனும் தலைப்பில் நடை பெற்றது. இவ்வகுப்பில் சுமார் 70 மாணவர்கள் கலந்து சிறப்பித்தனர்.

 

ஊடகப்பிரிவு 

அகில இலங்கை ஜம்இய்யத்துல் உலமா