24.05.2017 / 27.08.1438

அகில இலங்கை ஜம்இய்யத்துல் உலமா முஸ்லிம் பாராளுமன்ற உறுப்பினர்களுடன் சந்திப்பு

நாட்டின் தற்போதைய நிலைமைகளைக் கவனத்திற் கொண்டு அகில இலங்கை ஜம்இய்யத்துல் உலமாவின் அழைப்பின் பேரில் முஸ்லிம் பாராளுமன்ற உறுப்பினர்கள், முஸ்லிம் கவுன்ஸில் மற்றும் தேசிய சூரா சபை பிhதிநிதிகள் 23.05.2017 செவ்வாய் இரவு ஜம்இய்யாவின் தலைமையகத்தில் ஒன்று கூடி கலந்துரையாடினர்.

இதில் அரசாங்க உயர் மட்டத்தோடு நடத்தப்பட்ட பேச்சு வார்த்தைகள் பற்றி எடுத்துக் கூறிய பாராளுமன்ற உறுப்பினர்கள் நாட்டின் சட்டத்தையும் ஒழுங்கையும் நிலை நாட்ட உரிய நடவடிக்கைகளை மேற்கொள்வதாக அரச உயர் பீடம் உறுதியளித்துள்ளதாக குறிப்பிட்டனர். அத்துடன் அகில இலங்கை ஜம்இய்யத்துல் உலமாவின் வழிகாட்டலில் ஒழுங்கு செய்யப்படும் ஏற்பாடுகளுக்கு பூரண ஒத்துழைப்பு நல்குவதாகவும் உறுதியளித்தனர். அதன் அடிப்படையில் நாட்டின் சகல மாவட்டங்களுக்கும் பொறுப்பாளர்களாக ஒவ்வொரு பாராளுமன்ற உறுப்பினர் நியமிக்கப்பட்டதோடு ஜம்இய்யாவின் கிளைகளின் பிரதிநிதிகள், மஸ்ஜித் சம்மேளனங்கள், இதர அமைப்புகள் போன்றவற்றை தொடர்பு கொண்டு தேவையான நடவடிக்கைகளை மேற்கொள்வதாக முடிவு செய்யப்பட்டது.

எனவே மாவட்ட ரீதியாக ஏற்படும் அசம்பாவிதங்களை உடனடியாக கீழ்காணும் பாராளுமன்ற உறுப்பினர்களின் பிரதிநிதிகளுக்கு அறிவித்து உரிய சட்ட நடவடிக்கை எடுக்க ஒத்துழைக்குமாறு சகலரையும் ஜம்இய்யா கேட்டுக் கொள்கின்றது.

  1. Anuradhapura – Ishak Rahman, M.P. Contact - 0777 889 611
  1. Colombo & Kalutara - Minister A. H. M. Fowzie M.P. Contact: Mr. Zain - 0777 354016
  1. Kurunegala – Minister Rishad Bathiudeen M.P. Contact: Mr. Dilshad – 0779 333617
  1. Kandy & Matale – Minister Abdul Haleem M.P. Contact: Mr. Farook – 0757 038874 / Mr. Rameem – 0777 840844
  1. Puttalam – M.H.M. Navavi M.P. Contact: 0712 519200
  1. Galle, Kollonnawa, Dehiwala – S.M. Marikkar M.P. Contact: Shiyam – 0777 711025
  1. Matara – Ameer Ali M.P. Contact: Mr. Thoufeek – 0773 282322
  1. Trincomalee, Dambulla, Galewala – Abdullah Maharoof M.P. Contact: Mr. Mustapha – 0777 117514 / 0773 753653
  1. Pollonnaruwa & Batticoloa – Ali Zahir Moulana M.P. Contact: 0772 255222 
  1. Monaragala – Minister Hizbullah M.P. Contact: Nafris Moulavi 0766 688865
  1. Badulla, Bandarawela & Nuwara Eliya – Minister Rauff Hakeem M.P. Contact: Nizam – 0774 272243 / Naeemullah – 0776 3633538
  1. Gampaha – Mujibur Rahuman M.P. Contact: Mr. Azeez Nizardeen – 0777 636138
  1. Ampara – M.I.M. Mansoor M.P. Contact: 0777 394785 / Mr. Rahmath Mansoor – 0777 354884
  1. Hambantota – Minister Faizer Musthapha M.P. Contact: Mr. Silmy – 0723 007300
  1. Kegalle & Ratnapura – Minister Kabeer Hashim M.P. Contact: Mr. Nihal Farook – 0777 887479 (Kegalle) Mr. Iflar - 0773 441464 (Ratnapura)

பொதுவான பிரதிநிதிகள்:

Mr. Azath Salley - 0777 707786

Mr. N.M. Ameen - 0772 612288

Ash Shaikh Fawaz - 0777 571876

Mr. Shiraz Noordeen - 0777 310082

Mr. Hejaaz Hizbullah - 0772 409535

Mr. Aslam Othman - 0777 588963

Mr. Hilmy Ahmad - 0777 312421
 

ஊடகப் பிரிவு - அகில இலங்கை ஜம்இய்யத்துல் உலமா

23.05.2017 (26.08.1438)

முஸ்லிம்களுக்கான சில வழிகாட்டல்கள்

கடந்த சில தினங்களாக நிலவிவரும் அசாதாரண நிலைமைகள் காரணமாக முஸ்லிம்கள் சற்று அமைதியிழந்து காணப்படுகின்றனர். சில தீய சக்திகள் முஸ்லிம்களுக்கு எதிரான இனவாதத்தை தூண்டும் செயற்பாடுகளிலும் மஸ்ஜித்களையும் முஸ்லிம் வியாபார நிலையங்களையும் தாக்கும் செயற்பாடுகளிலும் தொடர்ந்தும் ஈடுபட்டு வருகின்றன. ஒரு சமூகத்தை அச்சுறுத்தும் இவ்வாறான நடவடிக்கைகள், இந்நாட்டில் நிலவும் சமாதானத்தையும் சகவாழ்வையும் பாதிப்பதுடன், இந்நாட்டின் யாப்பு உறுதிப்படுத்தியுள்ள உரிமைகளை மீறும் செயற்பாடுகளாகவும் காணப்படுகின்றன.

அகில இலங்கை ஜம்இய்யத்துல் உலமா, முஸ்லிம் பாராளுமன்ற உறுப்பினர்கள், ஏனைய சிவில் அமைப்புகள் இணைந்து இந்த தீய சக்திகளின் திட்டங்களை முறியடிக்க அரச தரப்புகளை தொடர்புகொண்டு செயற்பட்டு வருகின்றன. இந்நிலையில் முஸ்லிம்கள் பின்வரும் விடயங்களை பின்பற்றி நிதானமாகவும் அமைதியாகவும் நடக்குமாறு அகில இலங்கை ஜம்இய்யத்துல் உலமா கேட்டுக் கொள்கின்றது.

01. அல்லாஹு தஆலாவுடனான தொடர்பை சீராக்குதல்:
• முஸ்லிம்களாகிய நாம் அல்லாஹு தஆலாவின் மீது அசையாத நம்பிக்கை கொண்டவர்கள். நமக்கு உதவி செய்வதில் அல்லாஹு தஆலாவை மிஞ்சிய சக்திகள் எதுவும் கிடையாது. எனவே, முஸ்லிம்கள் பெரும்பாவங்களிலிருந்து தம்மைப் பாதுகாத்துக் கொள்வதிலும் நல்லமல்கள் மூலம் அல்லாஹு தஆலாவுடனான தொடர்பைச் சீராக்கிக் கொள்வதிலும் அதிக கவனம் செலுத்துதல்.

• முஸ்லிம் சமூகம் முழு மனித சமுதாயத்தினதும் நலவுக்காக வெளியாக்கப்பட்ட சமூகமாகும். எனவே ஏனையோருக்கு நலவை நாடுவதும், அவர்களை நன்மையின் பக்கம் அழைப்பதும், தீமையை விட்டு அவர்களை தடுப்பதும் எம் கடமைகளாகும் என்பதை சிந்தித்து நாம் செயற்பட வேண்டும்.

• துஆ என்பது ஒவ்வொரு அடியானும் அல்லாஹ் தஆலாவிடம் நேரடியாகத் தமது கஷ்ட நஷ்டங்களை முறையிட்டு அதற்கான பரிகாரங்களைப் பெற்றுக் கொள்ளும் ஒரு ஆயுதமாகும். எனவே நாட்டு நிலைமை சீராக அல்லாஹு தஆலாவிடம் அதிகமாக பிரார்த்தித்தல். மேலும் துஆவுல் கர்ப் (கஷ்டமான, துன்பமான நேரங்களில் ஓதப்படும் துஆக்கள்) தொடர்பான ஜம்இய்யாவின் வழிகாட்டல்களையும் கருத்திற்கொண்டு, இந்த துஆக்களை நம்பிக்கையுடன் ஓதிவருதல்.

• குனூதுன் நாஸிலா என்பது அச்சம், பயம், பஞ்சம், வரட்சி போன்றவை ஏற்படும் போது அவை நீங்குவதற்காக தொழுகையில் கேட்கப்படும் துஆவாகும். ஐவேளைத் தொழுகைகளிலும் மஸ்ஜித்களில் குனூதுன் நாஸிலாவை ஓத சகல மஸ்ஜித் நிர்வாகிகள் உரிய ஏற்பாடுகளை செய்தல். மஸ்ஜித் இமாம்கள் குனூதுன் நாஸிலா தொடர்பான ஜம்இய்யாவின் வழிகாட்டல்களுக்கு ஏற்ப செயற்படல்.

02. சகவாழ்வு மற்றும் பாதுகாப்பு நடவடிக்கைகள்:

• ஜம்இய்யாவின் கிளைகள், மஸ்ஜித் சம்மேளனங்கள், ஏiனைய அமைப்புகள் இணைந்து இனவாதத்தை முறியடிக்க தமது ஊருக்கேற்ற நடவடிக்கைகளை மேற்கொள்ளல். குறிப்பாக பொலிஸாருடன் தொடர்ப்புகளை ஏற்படுத்தி எமது மஸ்ஜித்களுக்கும் வீடுகளுக்கும் வியாபார நிலையங்களுக்கும் முற்பாதுகாப்பு நடவடிக்கைகளை மேற்கொள்ளல். அத்துடன் ஜூம்ஆ தொழுகைகளின் போது விசேட பாதுகாப்பு ஏற்பாடுகளை தேவைக்கேற்ப செய்துகொள்ளல்.

• ஒவ்வொரு ஊரிலும் உள்ள உலமாக்களும் மஸ்ஜித் நிர்வாகிகளும் துறைசார்ந்தவர்களும் சமூகத் தலைவர்களும் ஒன்றிணைந்து சகவாழ்வை கட்டியெழுப்பும் நடவடிக்கைகளை மேற்கொள்ள வேண்டும். இதற்கான வழிகாட்டல்கள் ஜம்இய்யாவின் சகவாழ்வுப் பிரகடனத்தில் ஏலவே வழங்கப்பட்டுள்ளன.

• இன நல்லுறவைப் பாதிக்கும் அனைத்து நடவடிக்கைகளையும் தவிர்ந்து கொள்ளுதல். குறிப்பாக சமூக வலைதளங்களில் ஏனைய சமயங்களுக்கு எதிராக கருத்துக்கள் வெளியிடுவதை கண்டிப்பாக தவிர்ந்து கொள்ளல்.

• குறிப்பிட்ட சிறு குழுவினரின் அடாவடித் தனங்களை வைத்து ஆத்திரம் கொள்ளாது நிதானமாகவும் தூர நோக்கோடும் நடந்து கொள்ளல்.

• பிரச்சினைகள் ஏற்படும் போது பொலிஸாருக்கு அறிவித்து உரிய சட்ட நடவடிக்கைகளை உடனடியாக மேற்கொள்ளல்.

03. றமழான் மாதத்துடன் தொடர்பான வழிகாட்டல்கள்:

• அல்-குர்ஆனை ஓதுதல் மற்றும் அதனை விளங்கி நடைமுறைப்படுத்தல் போன்ற நல்லமல்களில் அதிகளவு கவனம் செலுத்துவதுடன் இரவு நேர வணக்கங்களில் ஈடுபடுதல்.

• இளைஞர்கள் மஸ்ஜித்களில் இபாதத்கள் முடிந்தவுடன், இரவு நேரங்களில் பாதைகளில் விளையாடுதல் போன்ற பிறருக்கு இடையூறு செய்யும் விடயங்களை முற்றாகத் தவிர்ந்து கொள்ளல். மேலும் பெற்றோர் இவ்விடயத்தில் கண்காணிப்புடன் செயற்படல்.

• இரவுநேர இபாதத்களில் ஈடுபடும் போதும் பயான்களின் போதும் பிறருக்கு இடையூறு ஏற்படாத வகையில் ஒலிபெருக்கிகளின் சத்தத்தை மஸ்ஜிதுக்குள் மாத்திரம் வைத்துக் கொள்ளல்.

• பெண்கள் மஸ்ஜித்களுக்கு செல்லும் போது ஷரீஆ வரையறைகளைப் பேணி உரிய பாதுகாப்புடன் செல்லல். ஆண்கள் இது குறித்து சிறந்த ஏற்பாடுகளை செய்து கொடுத்தல்.

• மஸ்ஜித்களுக்கு அருகில் வாகனங்களை நிறுத்தும் போது பிறருக்கு இடைஞ்சல் இல்லாது நடந்து கொள்ளல்.

• மேற்படி விடயங்களை நடைமுறைப்படுத்தும் விடயத்தில் அகில இலங்கை ஜம்இய்யத்துல் உலமாவின் கிளைகளும் மஸ்ஜித் நிர்வாகங்களும் முஸ்லிம் சமூகமும் ஒத்துழைப்புடன் செயற்படல்.

மேற்படி விடயங்களை நடைமுறைப்படுத்தி நாட்டில் ஒற்றுமையையும் சகவாழ்வையும் கட்டியெழுப்புவதோடு, எம்மை வந்தடையவுள்ள றமழானை சிறந்த முறையில் பயன்படுத்திக் கொள்வோமாக. எல்லாம் வல்ல அல்லாஹ் எமது பிரார்த்தனைகளை அங்கீகரித்து நாட்டில் ஐக்கியம், சகவாழ்வு வளரவும் மக்கள் புரிந்துணர்வோடு வாழவும் நல்லருள் பாலிப்பானாக.

 

வஸ்ஸலாம்.

 

அஷ்-ஷெய்க் (முப்தி) எம்.ஐ.எம் றிழ்வி
தலைவர் - அகில இலங்கை ஜம்இய்யதுல் உலமா 

 

அஷ்-ஷெய்க் எம்.எம்.ஏ முபாறக்
பொதுச் செயலாளர் - அகில இலங்கை ஜம்இய்யதுல் உலமா 


குறிப்பு (மஸ்ஜித் நிர்வாகிகளுக்கு) : எதிர்வரும் ஜும்ஆவில் மேற்படி வழிகாட்டல்களை பொதுமக்களுக்கு வாசித்துக்காட்டி, மஸ்ஜித் அறிவித்தல் பலகையில் மக்கள் பார்வைக்கு இடுமாறு சகல பள்ளிவாயல்களின் நிருவாகிகளையும் கேட்டுக் கொள்கின்றோம்.

விஷேட பயிற்சி நெறியை பூர்த்தி செய்த ஆலிம்களுக்கான சான்றிதழ் வழங்கும் நிகழ்வு

அகில இலங்கை ஜம்இய்யதுல் உலமாவின் ஒருங்கிணைப்பிற்கும் ஒத்துழைப்பிற்குமான கவுன்ஸிலும் (CCC) இத்திஹாதுல் மதாரிஸ் ஒன்றியமும் இணைந்து நடத்திய ஆலிம்களுக்கான 150 மணித்தியாலங்கள் கொண்ட “சமூக ஒற்றுமையையும் சகவாழ்வையும் மையப்படுத்திய விஷேட பயிற்சி நெறியை பூர்த்தி செய்தவர்களுக்கான சான்றிதழ் வழங்கும் நிகழ்வு கடந்த சனிக்கிழமை (13) மாலை கொழும்பு- 10 அல்ஹிதாயா கல்லூரியின் எம்.ஸீ. பஹார்தீன் மாநாட்டு மண்டபத்தில் இடம்பெற்றது.
அஷ்ஷெய்க் அல்ஹாபிழ் எம். அப்துல்லாஹ் அவர்களின் குர்ஆன் பாராயணத்துடன் ஆரம்பமான இந்நிகழ்வை அஷ்ஷெய்க் ஏ.ஸீ.எம். பாஸில் அவர்கள் நெறிப்படுத்தினார்.
நிகழ்வின் வரவேற்புரையையும் பாடநெறி தொடர்பான அறிமுக உரையையும் நிகழ்த்தினார் அ.இ.ஜ.உ.வின் பிரதித் தலைவரும் ஒருங்கிணைப்பிற்கும் ஒத்துழைப்பிற்குமான கவுன்ஸிலின் தலைவருமான அஷ்ஷெய்க் ஏ.ஸீ. அகார் முஹம்மத். அவர் தனது உரையில் பின்வருமாறு தெரிவித்தார்:
இது ஒரு வரலாற்று முக்கியத்துவம் வாய்ந்த நிகழ்வு. அ.இ.ஜ.உ.வின் வரலாற்றில் முதல் தடவையாக உலமாக்களுக்கான விஷேட பயிற்சிநெறி வெற்றிகரமாக நிறைவுபெற்றிருக்கிறது. ஆலிம்களை வலுவூட்டுவது ஜம்இய்யதுல் உலமாவின் பணிகளில் முதன்மை பெற வேண்டிய, முக்கியத்துவம் பெற வேண்டிய பணி என்பதில் இரண்டு கருத்துக்கு இடமிருக்காது.
ஆலிம்களை ஆன்மிக ரீதியாகவும் அறிவு ரீதியாகவும் பொருளாதார ரீதியாகவும் வலுவூட்டுகின்ற தலையாய கடப்பாடு அ.இ.ஜ.உ.வுக்கு இருக்கிறது.
அந்த வகையில் இந்த பயிற்சிநெறியை பல்வேறு உள்ளடக்கங்களுடன் விஞ்ஞானபூர்வமாக வடிவமைத்து வெற்றிகரமாக நிறைவுசெய்திருக்கின்றோம்.
முஸ்லிம்கள் சிறுபான்மையினராக வாழ்ந்து வருகின்ற எமது நாட்டில் அல்குர்அன், ஸுன்னாவின் ஒளியில் இஸ்லாமிய அமைப்புகளுக்கு, முஸ்லிம்களுக்கு மத்தியில் ஒற்றுமையை வளர்த்து பெரும்பான்மை இன மக்களோடு சகவாழ்வைப் பேணி வாழ்வது தொடர்பான விரிவுரைகள், வழிகாட்டல்கள் இந்தப் பயிற்சிநெறியில் உள்வாங்கப்பட்டிருந்தன.
இஸ்லாத்தின் நடுநிலை சிந்தனை (வஸதிய்யா கோட்பாடு), பிக்ஹுல் அவ்லவிய்யாத், பிக்ஹுல் இஃதிலாப், இஸ்லாத்தின் வழிகெட்ட பிரிவுகள், முகாரனதுல் அத்யான் எனும் தலைப்பிற்கூடாக பௌத்தம், கிறிஸ்தவம், இந்து சமயங்கள் குறித்த அறிமுகம், உலகளாவிய ரீதியில் முஸ்லிம்கள் எதிர்கொள்ளும் சவால்கள், சர்வதேச முஸ்லிம் உம்மத் பற்றி கண்ணோட்டம், முஸ்லிம்கள் இலங்கையில் எதிர்நோக்கும் குற்றச்சாட்டுகளுக்கு பதிலளிக்கும் வகையிலான தலைப்புகள், இன்றைய இளைஞர்கள் எதிர்நோக்கும் சவால்கள், பிரச்சினைகள், அவர்களது உளநிலை, அவர்களை உளவியல் ரீதியாக அணுகும் விதம், உளவளத் துணை, உள ஆற்றுப்படுத்தல் துறையுடன் தொடர்பான அடிப்படை விடயங்கள், அடிப்படை கணினி அறிவு, தலைமைத்துவ பயற்சிகள், மென்திறன்களை (Soft Skills) வளர்த்துக் கொள்வதற்கான வழிகாட்டல்கள்… முதலான அம்சங்களை உள்ளடக்கியதாக எமது பயிற்சிநெறி வடிவமைக்கப்பட்டிருந்தமை குறிப்பிடத்தக்கது.
இஸ்லாமிய அறிஞர்கள், ஆலிம்கள், தாயிகள்… ஏனை துறையிலுள்ளவர்களைப் போல் தொடர்ந்தும் கற்க வேண்டும்; தம்மை வளர்த்துக் கொள்ள வேண்டும் என்ற வகையில் தொடர்ந்தும் இத போன்ற பயிற்சிநெறிகள் நடைபெறும். 150 மணித்தியால இப்பயிற்சிநெறியைப் பூர்த்தி செய்தவர்களுக்கு அடுத்த கட்ட பயிற்சிநெறி ஒன்றையும் விரைவில் ஆரம்பிப்பதற்கான ஏற்பாடுகளும் முன்னெடுக்கப்பட்டு வருகின்றன, இன்ஷா அல்லாஹ்.
பயிற்சி நெறியைப் பூர்த்திசெய்த ஆலிம்களான அஷ்ஷெய்க் ஹபீல், அஷ்ஷெய்க் றிஸ்வான் (நஹ்ஜி), அஷ்ஷெய்க் றிழ்வான் ஆகியோர் குறித்த பயிற்சிநெறியின் மூலம் தாம் பெற்றுக் கொண்ட பயன்களை விவரித்ததோடு தமது சிந்தனையில் ஏற்படுத்திய மாற்றம் குறித்தும் விக்கினர். ஆலிம்களை வலுவூட்டுகின்ற இது போன்ற பயிற்சிநெறிகள் தொடர்ந்தும் நடத்தப்பட வேண்டியதன் அவசியத்தையும் வலியுறுத்தினர்.
அ.இ.ஜ.உ.வின் பொதுச் செயலாளர் அஷ்ஷெய்க் அஹமத் முபாரக் உரை நிகழ்த்துகையில்,
அ.இ.ஜ. உலமா இந்த நாட்டில் நீண்ட காலமாக மகத்தான பணிகளை ஆற்றி வருகிறது. ஜம்இய்யதுல் உலமாவின் 15 க்கும் மேற்பட்ட பிரிவுகளில் ஒன்றான ஒருங்கிணைப்பிற்கும் ஒத்துழைப்பிற்குமான கவுன்ஸிலின் பல்வேறு வேலைத் திட்டங்களில் இது முக்கியமானது.
ஆலிம்கள் வலுப்படுத்தப்பட வேண்டியதன் தேவையை உணர்ந்த ஜம்இய்யதுல் உலமா, அந்த இலக்கை அடைந்து கொள்ளும் நோக்கில் பல்வேறு முயற்சிகளை முன்னெடுத்து வருகிறது. மக்தப்களில் கற்பிக்கின்ற முஅல்லிம், முஅல்லிமாக்கள், முஆவின்களுக்கு தொடர்ந்தேர்ச்சியான பயிற்சிகள் வழங்கப்படுகின்றன. அரபுக் கல்லூரிகளின் இறுதி வருட மாணவர்களுக்கு தேவையான பாடநெறி திட்டமிட்ட அடிப்படையில் நடத்தப்பட்டு வருகிறது. இதன் தொடரில்தான் இந்த விஷேட பயிற்சிநெறியும் வெற்றிகரமாக நடைபெற்று முடிந்திருக்கிறது.
நடுநிலைச் சிந்தனையுடன் சமூக ஒற்றுமையை விரும்பும், உண்மையை நிதானமாக முன்வைக்கும் ஆலிம்களே இன்று தேவைப்படுகிறார்கள். மோதலில் ஈடுபடுகின்றவர்கள், நடுநிலைப் போக்கை புறக்கணிப்பவர்கள், எல்லை மீறி நடந்து கொள்பவர்களால் சமூகத்திற்கு எவ்வித பயனும் கிட்டப் போவதில்லை. இன்றைய நாட்டு சூழலில் இந்தப் பயிற்சிநெறியினூடாக நீங்கள் பெற்ற அறிவை சமூகத் தளத்தில் எத்திவைக்க கடமைப்பட்டுள்ளீர்கள்.
ஆலிம்கள் தொடர்பு கொள்ள வேண்டிய, பங்களிப்புச் செய்ய வேண்டிய, உரிமை கொண்டாட வேண்டிய இடம் அ.இ.ஜ. உலமா மாத்திரமேதான். ஆலிம்கள் ஒன்றிணைந்து சமூகத்தை வழிநடத்துகின்ற அமைப்பாகிய அ.இ.ஜ. உலமாவில் ஒவ்வோர் ஆலிமும் உறுப்புரிமை பெற்று சமூகப் பணியாற்ற முன்வர வேண்டும் எனத் தெரிவித்தார்.
நிகழ்வில் சிறப்புரையாற்றிய அ.இ.ஜ.உ.வின் தலைவர் அஷ்ஷெய்க் றிஸ்வி முப்தி உரையாற்றுகையில், பின்வருமாறு தெரிவித்தார்:
மறுமை நாள் வரை சமூகத்தில் தோன்றக்கூடிய அத்தனை பிரச்சினைகளுக்குமான தீர்வை அல்லாஹ் நபி (ஸல்) அவர்களது வாழ்வில் வைத்திருக்கின்றான். நபித் தோழர்கள் முன்மாதிரி சமூகமாக வாழ்ந்து வழிகாட்டியிருக்கிறார்கள். அவர்களது அறிவும் இறைவிசுவாசமும் தவ்ஹீதும் பரிபூரணமாக இருந்தன் காரணமாக அவர்களது வாழ்க்கை முன்மாதிரியாக அமைந்திருந்தது. ஒரு சில நபித் தோழர்கள் மார்க்கத்தை பின்பற்றுவதில் சற்று தீவிரமா நடந்து கொண்டார்கள். அந்த சந்தர்ப்பங்களில் நபியவர்கள் வஹியின் ஒளியில் அவர்களுக்கு மிகச் சிறந்த வழிகாட்டல்களை வழங்கினார்கள்.
உஸ்மான் இப்னு மழ்ஊன் (ரழி) அவர்கள் ஆண்மை நீக்கம் செய்துகொண்டு துறவறம் மேற்கொள்ள விரும்பினார்கள். அல்லாஹ்வின் தூதர் (ஸல்) அவர்கள் அவருக்கு அனுமதி மறுத்தார்கள். அவரை அதிலிருந்து தடுத்து நிறுத்தி அவரை நெறிப்படுத்தினார்கள்.
நபி (ஸல்) அவர்களின் தோழர்களில் சிலர் நபியவர்களின் துணைவியரிடம் (சென்று), நபியவர்கள் தனிமையில் செய்யும் வழிபாடுகள் குறித்து வினவினர். (அவர்கள் கூறிய மறுமொழியைக் கேட்ட பின் நபியவர்கள் செய்யும் வழிபாடுகளைக் குறைவாக எண்ணிக்கொண்டு) அவர்களில் ஒருவர், “நான் பெண்களை மணமுடிக்க மாட்டேன்” என்று சொன்னார். மற்றொருவர் “நான் மாமிசம் உண்ண மாட்டேன்” என்றார். இன்னொருவர், “நான் படுக்கையில் உறங்க மாட்டேன்” என்றார். (இதை அறிந்த) நபி (ஸல்) அவர்கள் இறைவனை வாழ்த்திப் போற்றிவிட்டு, “சிலருக்கு என்ன நேர்ந்தது? அவர்கள் இப்படியெல்லாம் கூறுகின்றனர். ஆனால், நான் (இரவில்) தொழுகிறேன்; உறங்கவும் செய்கிறேன். நோன்பும் நோற்கிறேன்; நோன்பை விட்டு விடவும் செய்கிறேன். பெண்களை மணந்தும் கொள்கிறேன். என் வழிமுறையை எவர் புறக்கணிக்கிறாரோ அவர் என்னைச் சார்ந்தவர் அல்லர்” என்று அவர்களை எச்சரிச்து அவர்களுக்கு அல்குர்ஆனின் நிழலில் வழிகாட்டினார்கள். தீவிரப் போக்கை தடுத்து நடுநிலையை கடைபிடிக்குமாறு வலியுறுத்தினார்கள்.
எந்த ஒரு விடயத்தையும் அல்குர்ஆன், ஸுன்னாவின் ஒளியில் அணுக வேண்டுமே தவிர பகுத்தறிவுக்கு முன்னுரிமை கொடுத்து அணுகக் கூடாது. அது சமூகத்தை ஆபத்தில் தள்ளிவிடும்.
ஒரு தடவை வத்திக்கானிலிருந்து இலங்கைக்கு வருகை தந்திருந்த இரண்டு முக்கியமான பாதிரிகள் அகில இலங்கை ஜம்இய்யதுல் உலமா பிரதிநிதிகளான எம்மை சந்திப்பதற்காக வந்திருந்தனர். பல்வேறு விடயங்களை கலந்துரையாடிய அவர்கள், எம்மிடம் ஒரு கேள்வியை தொடுத்தனர். நபி (ஸல்) அவர்களின் காலத்தில் பரிசோதனைக் குழாய்கள் மூலம் குழந்தைகள் (Test Tube Babies) பெறப்படவில்லையே! இது போன்ற விடயங்களில் நீங்கள் எத்தகைய மார்க்க நிலைப்பாட்டை எடுக்கிறீர்கள்? என்பதுதான் அவர்களது கேள்வி. அப்போது நாம் அவர்களிடம், “நீங்கள் சிறந்த ஒரு கேள்வியை தொடுத்திருக்கிறீர்கள்.
முஹம்மத் நபியவர்களது காலத்தில் நபித் தோழர்களுள் முக்கிய ஒருவரான முஆத் இப்னு ஜபல் (ரழி) அவர்கள் யெமன் பிராந்தியத்திற்கான ஆளுநராக நியமனம் செய்யப்படுகிறார்கள். அப்போது மக்களுக்கான தீர்வுகளை வழங்குவது குறித்துத் தூதர் (ஸல்) அவர்கள் தோழரிடம் “உம்மிடம் பிரச்சினைகள் ஏதும் வந்தால் எவ்வாறு தீர்த்து வைப்பீர்?” என வினவியபோது, முஆத் இப்னு ஜபல் (ரழி) அவர்கள் “அல்லாஹ்வின் வேதத்தில் உள்ளவற்றைக் கொண்டு தீர்ப்பளிப்பேன்” என பதில் கூறினார்கள். அப்போது தூதரவர்கள், “அல்லாஹ்வின் வேதத்தில் நீங்கள் தீர்வைக் காணா விட்டால் என்ன செய்வீர்?” எனத் வினவியபோது, “அல்லாஹ்வின் தூதரின் ஸுன்னாவிலிருந்து தீர்ப்பளிப்பேன்” என்கிறார்கள். அதன் பின்பு “அல்லாஹ்வின் தூதரின் ஸுன்னாவிலும் நீங்கள் தீர்வைக் காணா விட்டால் என்ன செய்வீர்?” என மீளவும் கேட்டபொழுது “எனது அறிவிற்குட்பட்ட வரைக்கும் பூரணமாக இஜ்திஹாத் செய்து தீர்வு சொல்வேன்” எனக் கூற தூதரவர்களும் ஆமோதித்து, அல்லாஹ்வைப் புகழ்ந்தார்கள்.
இந்த வழிகாட்டலின் அடிப்படையில் குறித்த ஒரு கணவன்- மனைவியின் இந்திரியமாக இருக்குமாயின் பரிசோதனைக் குழாய்கள் மூலம் குழந்தைகள் பெறப்படுவது அனுமதிக்கப்பட்டிருக்கிறது என நாம் பத்வா வழங்கியிருப்பதாக அவர்களுக்கு கூறியபோது அவர்கள் மிகவும் மகிழ்ச்சியடைந்தார்கள்.
இவ்வாறே எமது நாட்டிலும் முஸ்லிமல்லாதவர்கள் எமது மார்க்கத்திலுள்ள பல விடயங்கள் குறித்து அறியாதிருக்கிறார்கள். அவர்களுக்கு இஸ்லாம் குறித்த தெளிவை வழங்கும் நோக்கில் “சமாஜ சங்வாதய” எனும் தலைப்பில் ஆறு சிறு நூல்களைத் தொகுத்து அ.இ.ஜ.உ. வெளியிட்டு வைத்திருக்கிறது. இதுவரை 50 ஆயிரம் பிரதிகள் அச்சிடப்பட்டுள்ளன. அவற்றில் 90 வீதமானவை நாடளாவிய ரீதியில் பெரும்பான்மை சகோதரர்களுக்கே விநியோகிக்கப்பட்டுள்ளன.
ஜம்இய்யதுல் உலமா எப்போதும் கூட்டு முயற்சியின் அடிப்படையிலேயே தீர்மானங்களை நிறைவேற்றி வருகிறது. காலத்தின் தேவையைக் கருதி இதனை மேற்கொண்டு வருகின்றோம்.
சமூகத்தை மையமாக வைத்து தீர்ப்புகள் வழங்காமல் தன்னிச்சையாக கருத்துக்களை முன்வைப்பது சமூகத்தில் குழப்பத்தையே ஏற்படுத்தும். எனவேதான் கலீபாக்களுடைய ஆட்சிக் காலத்தில் கூட்டு ஆலோசனையடிப்படையில் தீர்மானங்களை எடுத்தார்கள்.
அபூ தர் அல்கிஃப்பாரி (ரழி) அவர்கள் ஒரு மிகச் சிறந்த ஒரு ஸஹாபி. அவர் தான் புரிந்து கொண்டதை முன்வைத்த விதம் மக்கள் மத்தியில் ஒரு வகையான குழப்பத்தை ஏற்படுத்தியது. ஹஜ்ஜுக்காக வருபவர்கள் பணம் சேகரித்து வைக்கக் கூடாது. இரண்டரை சதவீதமல்ல, உங்களிடமுள்ள அனைத்தையுமே நீங்கள் கொடுத்து விட வேண்டும் என்ற நிலைப்பாட்டை எடுத்ததன் காரணமாக முஆவியா (ரழி) அவர்கள் அபூ தர் அல்கிஃப்பாரி (ரழி) அவர்களது விடயத்தில் தூரநோக்குடன் சிந்தித்து அவர்களை ஷாம் தேசத்திலிருந்து மதீனாவுக்கு அனுப்பி வைத்தார்கள்.
மதீனா வந்தடைந்த அபூ தர் அல்கிஃப்பாரி (ரழி) அவர்களுடன் கலந்துரையாடிய உஸ்மான் (ரழியல்லாஹு அன்ஹு) அவர்கள், “நீங்கள் தன்னிச்சையாக சில மார்க்க தீர்ப்புகளை வழங்குகிறீர்கள். மதீனாவுக்கு அருகிலுள்ள அர்-ரப்தா எனும் இடத்தில் குடியமருங்கள்” எனக் கூறி அவர்களை அங்கு அனுப்பி வைத்தமைக்கு இஸ்லாமிய வரலாறு சான்று.
எனவேதான், அகில இலங்கை ஜம்இய்யதுல் உலமா பல்வேறு அமைப்புகளையும் சார்ந்த தரம்வாய்ந்த 40 ஆலிம்களைக் கொண்ட பத்வா குழுவின் மூலமே நிதானமாக முறையில் பத்வாக்களை வழங்கி வருகிறது. எனவே, ஒருவர் தன்னிச்சையாக, தனது அறிவுத் தரத்துக்கேற்ப மார்க்கத் தீர்ப்புகளை வழங்குவது ஆபத்தானது என்பதை நாம் ஒவ்வொருவரும் புரிந்து கொள்ள வேண்டும். கூட்டுப் பணிகளுக்கு முக்கியத்துவம் கொடுக்க வேண்டும்.
தலைவர் அவர்களின் உரையோடு பயிற்சிநெறியை பூர்த்தி செய்த ஆலிம்களுக்கான சான்றிதழ்கள் வழங்கி வைக்கப்பட்டன.
அகில இலங்கை ஜம்இய்யதுல் உலமாவின் நிறைவேற்றுக் குழு உறுப்பினர்கள், ஆலிம்கள், பயிற்சிநெறியின் வளவாளர்கள், துறைசார்ந்தவர்கள் என பலரும் பங்கேற்று நிகழ்வை சிறப்பித்தனர்.

 

2017.04.07 / 1438.07.09

சமூக விவகாரங்களில் ஒன்றுபட்டு செயற்படுவோம்!

இலங்கை முஸ்லிம் சமூகம் கடந்த சில காலங்களாக பல தரப்பட்ட பிரச்சினைகளை எதிர்நோக்கி வருகின்றது. இதன் தொடராகவே விடுதலைப் புலிகளால் வடக்கிலிருந்து பலாத்காரமாக வெளியேற்றப்பட்ட முஸ்லிம்களின் மீள்குடியேற்றப் பிரச்சினையும் காணப்படுகின்றது.

இதன் காரணமாக இம்மக்கள் பல சிரமங்களையும் கஷ்டங்களையும் எதிர்நோக்குகின்றனர். இப்பிரச்சினைக்கு தீர்வுகாண பலரும் தமது பங்களிப்பினை செய்து வருகின்றனர். இவர்களுடன் ஒத்துழைத்து குறித்த பிரச்சினைக்கு தீர்வுகாணும் வகையில் உரிய நடவடிக்கைளை மேற்கொள்ள 2017.04.01 ஆம் திகதி அஷ்-ஷைக் ஏ.சீ அகார் முஹம்மத் அவர்களின் தலைமையில் நடைபெற்ற அகில இலங்கை ஜம்இய்யத்துல் உலமா நிறைவேற்றுக் குழுக் கூட்டத்தில் தீர்மானிக்கப்பட்டது.

அதே நேரம் அகில இலங்கை ஜம்இய்யத்துல் உலமா அரசியல் சார்பற்ற ஒரு சபை என்பதால் கடந்த காலங்களில் சமூக பிரச்சினைக்கு தீர்வு காணும் விடயத்தில் அனைவருடனும் ஒத்துழைப்புடன் பக்கச் சார்பின்றி நடுநிலையாக செயற்பட்டது போன்றே இவ்விடயத்திலும் செயற்பட வேண்டும் எனவும் தீர்மானிக்கப்பட்டது.

மேலும் சமய, அரசியல், சிவில் அமைப்புகளும் இயக்கங்களும் சமூக பிரச்சினைகளுக்கு தீர்வுகாணும் விடயத்தில் ஒத்துழைப்புடன் ஒற்றுமையாக செயற்படுமாறு அகில இலங்கை ஜம்இய்யத்துல் உலமா அனைவரையும் கேட்டுக் கொள்கின்றது.

எல்லாம் வல்ல அல்லாஹ் வடக்கு முஸ்லிம்களின் மீள்குடியேற்ற பிரச்சினைக்கு நிரந்தர தீர்வு கிடைக்க அருள்பாலிப்பானாக.
வஸ்ஸலாம்.


அஷ்-ஷைக் எம்.எம்.ஏ முபாறக்
பொதுச் செயலாளர்
அகில இலங்கை ஜம்இய்யத்துல் உலமா

 

முஸ்லிம் விவாக விவாகரத்துச் சட்ட திருத்தம் சம்பந்தமாக அகில இலங்கை ஜம்இய்யத்துல் உலமாவின் தெளிவுரை

அகில இலங்கை ஜம்இய்யத்துல் உலமா உருவாக்கப்பட்ட காலம் முதல் சமூகப் பிரச்சினைகளை எதிர்கொள்ளும் போது ஷரீஆவின் வரையறைக்குள் நின்று நளினத்தன்மையையும் நடுநிலைமையான போக்கையும் கடைபிடித்து மக்களின் நலன்களைப் பாதுகாக்கும் வகையிலேயே செயற்பட்டு வந்துள்ளது.
கீழ்வரும் திருக்குர்ஆன் வசனம் இதற்கு அடிப்படையாக காணப்படுகின்றது:
அல்லாஹ் உங்களுக்கு இலகுவானதை நாடுகிறானே தவிர, உங்களுக்கு சிரமமானதை அவன் நாடவில்லை. (அல்குர்ஆன் 2:18)

மேலும், பின்வரும் ஹதீஸும் இதற்கு அடிப்படையாக அமைகின்றது:
'இலகுவாக்குங்கள்;, சிரமத்தைக் கொடுக்காதீர்கள். மேலும் நல்லவற்றையே சொல்லுங்கள். சலிப்படைந்து ஓடிவிடுமாறு செய்யாதீர்கள்;. வெறுப்பூட்டாதீர்கள்' என்று இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள் என அனஸ் றழியல்லாஹு அன்ஹு அவர்கள் அறிவிக்கின்றார்கள். (நூல் : புகாரி)

இன்னுமோர் இடத்தில் 'நிச்சயமாக இந்த மார்க்கம் எளிதானது. இம்மார்க்கத்தை எவரும் (தமக்கு) சிரமமானதாக ஆக்கினால், அவரை அது மிகைத்துவிடும். எனவே, நடுநிலைமையையே மேற்கொள்ளுங்கள். இயன்றவற்றைச் செய்யுங்கள்;. நற்செய்தியையே சொல்லுங்கள்;. காலையிலும் மாலையிலும் இரவில் சிறிது நேரமும் (அல்லாஹ்விடம்) உதவி தேடுங்கள்' என்று இறைத் தூதர் ஸல்லல்லாஹு அலைஹி வஸல்லம் அவர்கள் கூறினார்கள் என அபூ ஹுரைரா றழியல்லாஹு அன்ஹு அவர்கள் அறிவிக்கின்றார்கள். (நூல் : புகாரி)

இஸ்லாத்தின் போதனைகள் மக்களுக்கு கஷ்டத்தை ஏற்படுத்துபவையல்ல என மக்களுக்கு எடுத்துக் காட்டுவது மார்க்க அறிஞர்களது கடமையாகும். ஏனெனில் உலமாக்களைப் பற்றி இஸ்லாம் கூறும் பொழுது அவர்கள் நபிமார்களின் வாரிசுகள் என்று குறிப்பிட்டுள்ளது.
எனினும் அல்குர்ஆன் உலமாக்களுக்கு பின்வரும் வரையறையையும் விதித்துள்ளது.

முஃமின்களே! அல்லாஹ் உங்களுக்கு ஹலாலாக்கி (ஆகுமாக்கி) யுள்ளவற்றை, ஹராமானவையாக (விலக்கப்பட்டவையாக) ஆக்கிக் கொள்ளாதீர்கள்;. இன்னும் வரம்பு மீறியும் செல்லாதீர்கள்;. நிச்சயமாக அல்லாஹ் வரம்பு மீறுபவர்களை நேசிப்பதில்லை. (அல்குர்ஆன் 5:87)

மேற்கூறப்பட்ட வசனத்தின் அடிப்படையில் ஹலாலாக்கப்பட்ட ஒன்றை ஹராமாக்கவோ, ஹராமாக்கப்பட்ட ஒன்றை ஹலாலாக்கவோ அகில இலங்கை ஜம்இய்யத்துல் உலமாவுக்கு முடியாது.

துரதிஷ்டவசமாக அகில இலங்கை ஜம்இய்யத்துல் உலமாவின் தலைவர் அவர்கள் 'முஸ்லிம் விவாக விவாகரத்துச் சட்டம் தற்போதைய நிலையில் பூர்த்தியானதாகவே உள்ளது' என்று கூறிய விடயம் தவறான முறையில் திரிபுபடுத்தப்பட்டுள்ளது.

எமது முன்னோர்கள் இந்த சட்டத்தை இயற்றும் போது பல சிரமங்களை மேற்கொண்டு ஓரளவு பூர்த்தியான நிலைக்கு அதனைக் கொண்டுவந்துள்ளனர், அது அக்காலத்திற்கு மிகவும் பொருத்தமானதாகும் என்பதே உண்மையில் அவர் கூற முற்பட்ட விடயமாகும். இது இன்றைய நிலையில் இச்சட்டத்திற்கு மாற்றங்கள் அவசியமில்லை என்பதை குறிக்காது. குறிப்பாக இது காழி நீதிமன்ற நிர்வாக முறையில் மாற்றங்கள் தேவையில்லை என்பதை குறிக்காது.

பெண்களுடைய விவகாரத்தில் காணப்படும் குறைபாடுகளை அகில இலங்கை ஜம்இய்யத்துல் உலமா கேட்கத்தயாராக இல்லை எனும் குற்றச்சாட்டு ஜம்இய்யாவிற்கு எதிராக முன்வைக்கப்பட்டுள்ளது. இது முற்றிலும் தவறான குற்றச்சாட்டாகும். பெண்களை மதிக்காதிருத்தல், அவர்களை அகௌரவப்படுத்தல், அவர்களை ஒதுக்குதல் போன்றவை இஸ்லாமிய போதனைகளுக்கு முற்றிலும் மாற்றமான செயற்பாடுகளாகும் என்பதை அகில இலங்கை ஜம்இய்யத்துல் உலமா வலியுறுத்திக் கூறுகின்றது. ஆகவே, அகில இலங்கை ஜம்இய்யத்துல் உலமா இந்த மார்க்கப் போதனைகளுக்கு எப்போதும் கட்டுப்பட்டே செயற்பட்டு வருகின்றது என்பதைக் கூறிக்கொள்ள விரும்புகின்றோம்.

கீழே தரப்பட்டுள்ளவற்றின் மூலம் அல்லாஹு தஆலாவும், நபி ஸல்லல்லாஹு அலைஹி வஸல்லம் அவர்களும், கலீபாக்களும் பெண்களுடைய விடயத்தில் எவ்வாறு நடந்துகொண்டார்கள் என்பதை அவதானிக்கலாம்.


திருக்குர்ஆனில் அல்லாஹ் பின்வருமாறு கூறுகின்றான்:
(நபியே!) எவள் தன் கணவனைப் பற்றி உம்மிடம் தர்க்கித்து, அல்லாஹ்விடமும் முறையிட்டுக் கொண்டாளோ, அவளுடைய வார்த்தையை நிச்சயமாக அல்லாஹ் செவியேற்றுக் கொண்டான். மேலும், அல்லாஹ் உங்களிருவரின் வாக்கு வாதத்தையும் செவியேற்றான். நிச்சயமாக அல்லாஹ் (யாவற்றையும்) செவியேற்பவன்; (எல்லாவற்றையும்) பார்ப்பவன். (அல்-குர்ஆன் 58:01)

ஹுதைபிய்யா உடன்படிக்கையின் போது நபி ஸல்லல்லாஹு அலைஹி வஸல்லம் அவர்கள் தங்களது மனைவியான உம்மு ஸலமா றழியல்லாஹு அன்ஹா அவர்களின் ஆலோசனையை ஏற்றுக் கொண்டு அதன்படி நடந்ததாக ஹதீஸ்களில் இடம்பெற்றுள்ளது. கலீபா உமர் றழியல்லாஹு அன்ஹு அவர்கள் மிம்பரில் இருக்கும் பொழுது ஒரு பெண் அவர்களிடம் வந்து கேள்வி கேட்க அவற்றை முழுமையாக செவிமடுத்துவிட்டு அப்பெண்ணுக்குத் தெளிவுரை வழங்கினார்கள்.

குர்ஆனும் நபிகளாரின் போதனைகளும் இவ்வாறு வழிகாட்டும் போது அகில இலங்கை ஜம்இய்யத்துல் உலமா இவ்வழிகாட்டல்களுக்கு மாற்றமாக எவ்வகையிலும் செயற்படமாட்டாது என்பதையும் கூறிக்கொள்ள விரும்புகின்றோம்.

அகில இலங்கை ஜம்இய்யத்துல் உலமா எப்பொழுதும் பெண்கள் விவகாரத்தில் கரிசனையுடனேயே செயற்பட்டுவருகின்றது. அவர்களது பிரச்சினைகளை செவிமடுத்து, அவர்களுக்கு உதவுவதற்கு ஜம்இய்யா எப்பொழுதும் தயாராகவே உள்ளது. பெண்கள் அமைப்புகள் மாத்திரமன்றி வேறு எவராயினும் எம்முடன் கலந்துரையாடல்களை நடாத்த விரும்பினாலும் எம்மைத் தொடர்பு கொள்ளலாம்.

இன்று எம்மத்தியில் காணப்படும் தப்பபிப்பிராயமும் பிழையான புரிதல்களும் தொடர்பாடல் இடைவெளியும் அவசியம் நீக்கப்படல் வேண்டும். அனைத்துப் பிரச்சினைகளையும் பேச்சுவார்த்தைகள் மூலம் தீர்த்துக்கொள்ளலாம் என்று நாம் நம்புகின்றோம். இன்று முஸ்லிம் விவாக விவாகரத்துச் சட்டம் பரவலாக பேசப்படும் ஒரு தலைப்பாக காணப்படுகின்றது. உண்மையில் இன்றைய நிலையில் இச்சட்டத்தில் சில திருத்தங்கள் தேவைப்படுகின்றன என்பதை அகில இலங்கை ஜம்இய்யத்துல் உலமா நம்புகின்றது.

அகில இலங்கை ஜம்இய்யத்துல் உலமா ஒரு பொறுப்புவாய்ந்த நிறுவனம் என்ற வகையில் இவ்விடயத்தை பின்வரும் பல்வேறு கோணங்களில் அணுகவேண்டியுள்ளது:
1. மார்க்கப் போதனைகளுக்கு முரணில்லாது அமைத்தல்
2. பெண்களுடைய பிரச்சினைகளுக்கு தீர்வு காணல்
3. முஸ்லிம்களில் பெரும்பாலானவர்களின் அங்கீகாரத்தையும் ஏற்புடமையையும் உறுதிப்படுத்தல்
4. ஒவ்வொரு நபருக்கும் தரப்பினருக்கும் உரிய நீதத்தை உறுதிப்படுத்தல்

எனவே இவ்விடயங்களை அணுகுவதில் மார்க்க அறிஞர்கள் நடுநிலையைப் பேணி தம்மை முழுமையாக அர்ப்பணிக்கத் தயாராக உள்ளனர். அதேவேளை ஷரீஆ விடயங்கள் தொடர்பாக குழுவின் ஏனைய அங்கத்தவர்களுக்கு உணர்த்துவது குழுவில் அங்கம்வகிக்கின்ற உலமாக்களின் மார்க்கக் கடமையாகவும் காணப்படுகின்றது.

ஆரம்பத்திலிருந்தே அகில இலங்கை ஜம்இய்யத்துல் உலமா முஸ்லிம் விவாக விவாகரத்துச் சட்டம் சம்பந்தமான விடயங்களை மிகவும் கவனமாகக் கையாண்டு வருவதுடன் குழுவின் செயற்பாடுகளுக்கு உரிய ஒத்துழைப்பு வழங்கி வந்துள்ளது. இந்த நீண்ட பிரயாணத்தில் இக்குழு ஒரே அணியாக ஒற்றுமையுடன் முன்னேறி வந்துள்ளது. எனவே இந்தக் குழுவின் முடிவுகள் இன்ஷா அல்லாஹ் அனைவருக்கும் திருப்திகரமாக நல்ல முறையில் அமைய வேண்டும் என்று எதிர்பார்க்கின்றோம்.

குமுவுக்கு சமர்பிக்கப்பட்டுள்ள இச்சட்டத் திருத்தம் தொடர்பான எமது முழுமையான அறிக்கை முக்கிய தலைப்புகள் பற்றிய விரிவான விளக்கங்களை உள்ளடக்கியதாகும். இதை பூரணமாக வாசித்தால் அகில இலங்கை ஜம்இய்யத்துல் உலமாவின் நிலைபாடுகளையும் அவற்றிற்கு பின்னால் உள்ள காரணங்களையும் நியாயங்களையும் ஷரீஆ வரையறைகளையும் நன்றாகப் புரிந்துகொள்ள முடியும்.

பெண்களின் உரிமைகளும் ஒவ்வொரு தனிநபரின் உரிமைகளும் பாதுகாக்கப்படும் வகையில் இப்பணியை நிறைவேற்ற அனைவரும் ஒன்றுபட்டு ஒத்துழைப்புடன் செயற்பட வேண்டும் என அகில இலங்கை ஜம்இய்யத்துல் உலமா கேட்டுக்கொள்கின்றது.


அஷ்-ஷைக் முப்தி எம்.ஐ.எம் றிழ்வி                                                                                                                                                                                                                                             தலைவர் - அகில இலங்கை ஜம்இய்யத்துல் உலமா

 

அஷ்-ஷைக் எம்.எம்.ஏ முபாறக்
பொதுச் செயலாளர் - அகில இலங்கை ஜம்இய்யத்துல் உலமா 

2017.04.03 / 1438.07.05

بسم الله الرحمن الرحيم - In the Name of Allah, the Compassionate, the Merciful

 

ACJU and the MMDA - A statement of clarification

The All Ceylon Jamiyyathul Ulama (ACJU) ever since its establishment has always taken a very flexible and moderate approach, within the  framework of Shari’ah and the greater public interest, when consulting on any issue. 

Such facilitation is based on the Quranic verse where it says:

 “Allah intends (to provide) ease for you and does not intend (to create) hardships for you.“ (Chapter 2 Verse 185).

In addition, Prophet Muhammed (May Peace and blessings be on him) has said : "Make things easy and do not make them difficult, cheer the people up by conveying glad tidings to them and do not repulse (them)."

In another instance the Messenger of Allah said: “Indeed, this religion is easy”.

It becomes the duty of the  Ulama (religious scholars) to ensure that matters pertaining to the religion are not made difficult to the people.  Especially, because it has been mentioned that Ulama are the inheritors of the prophets. 

Yet another instance by which the ACJU and Ulama are limited by the Quran is where it mentions : “Oh you who believe do not hold as unlawful the good things Allah has made lawful for you”  (Chapter 5, Verse 87).

It is clear from the above verse that the ACJU neither has the power to make what is unlawful lawful nor the power to make what is lawful unlawful.

Unfortunately, the statement made by the President of the ACJU that the “Muslim Marriage and Divorce Act (MMDA) is perfect in its present state”, has been subjected to misinterpretation.

In fact, what he wanted to express was that our predecessors who were involved in formulating the MMDA had taken great efforts to make it near perfect.  Of course, given the circumstances of  that period.  This does not imply that there need not be any reforms today to the Act, mainly in the administration of Quazi court system.   

There has also been an unfair allegation against ACJU that it is not ready to listen to the grievances of the women.  There is no truth at all  in this allegation.  ACJU wishes to highlight that it will be a gross violation of Islamic religious teachings to ignore the women or not to give them the honour and respect that Islam has bestowed on them. ACJU is therefore, bound by these religious teachings. 

See the examples elucidated below, where the Almighty Allah, the Prophet Muhammad (PBUH) and the Righteous Caliphs were ready to listen to the women.

The Quran states: “Allah has heard the talk of the woman who was debating with you about her husband” (Chapter 58 Verse 1).

During the incident of Hudaibiya, it is recorded that Prophet (PBUH) listened to his wife Umme Salma’s advice.

Also, it has been recorded that the Caliph, Umar bin Kattab while he was in the pulpit,  a woman questioned him and he was listening to her and willing to accept her clarification. 

When Quran and the Prophetic teachings guide us so clearly,  how can one conclude that ACJU is  acting contrary to such teachings. As has always been the case, ACJU is willing and ready to listen to the grievances of women. Our doors are always open not only for the women but, for anybody who is willing to have a dialogue.

These misconceptions and the communication gap that is dominating events today need to be removed.  We strongly believe that it is through dialogue that  we can sort out all our problems.  The Muslim Marriage and Divorce Act, is a topic which has been spoken widely in many circles and forums these days. In this regard, ACJU believes without doubt, the MMDA as it stands today definitely needs reforms.

ACJU as a responsible institution has to look into various aspects, inter alia :

(1) matters of relevance to the religious teachings;

(2) finding solutions to the grievances of the women;

(3) ensuring the acceptance and acknowledgement of the larger Muslim community;

(4) establishing justice to each and everyone to the best possible extent.  

In doing so, we as Religious Scholars are willing to be flexible and   accommodative to the fullest extent.  In the same vein, it is the bounden religious duty of the Scholars to alert the Committee in the area of Shariah principles, as relevant.

From its inception, the ACJU has been very careful in handling the MMDA matter and it has always given its fullest support to the committee. In this long journey, the committee has moved forward unitedly and as a team. We believe that InshaAllah we can conclude the committee proceedings in a manner that is satisfactory to all.

The comprehensive report which we have submitted to the reform committee has provided detailed  explanation to all the key topics of the MMDA reforms. If someone goes through this report he/she will understand the stand of ACJU and the rationale behind its suggestions.

Finally, the correct understanding of the statement, “Islam is a religion of equality”, is that, “Islam is a religion of justice”. This means being ‘just’ in treating equally those who are equal and, being ‘just’ when differentiating between those who are different. The ACJU invites all to join hands in this noble work to reform the MMDA and to protect the rights of oppressed women and the rights of every individual.

 

 

Ash-Shaikh Mufti M.I.M. Rizwe
President – ACJU

 


Ash-Shaikh M.M.A. Mubarak
General Secretary - ACJU  

 

The Ambassador of the State of Palestine in Sri Lanka, H.EZuhair Mohammad Hamdallah Zaid, visited the ACJU Head office for a special meeting with Ash Shaikh Mubarak and Ash Shaikh Thassim of the Executive Committee of ACJU on the 18th of January 2017.The consequences on the plan of the new U.S.President Donald Trump, to move the US Embassy in Israel, from Tel Aviv to Jerusalem was discussed at the meeting.

 

2017.01.30 / 1438.05.01

இலங்கை வாழ் சகல முஸ்லிம்களுக்கும்

அஸ்ஸலாமு அலைக்கும் வரஹ்மதுல்லாஹி வபரகாதுஹு

இலங்கையின் 69வது சுதந்திர தினத்தை நினைவுபடுத்துவோம்.

எல்லாம் வல்ல அல்லாஹ் எம்மனைவருக்கும் அருள் புரிவானாக என்று பிரார்த்திக்கின்றோம்.

எதிர்வரும் 04.02.2017 சனிக்கிழமை எமது நாடு தனது 69வது சுதந்திர தினத்தை கொண்டாடுவதற்காக ஏற்பாடுகள் செய்து கொண்டிருக்கின்றது.
சுதந்திரத்தைப் பெற்றெடுப்பதில் நமது சமூகம் அதிக பங்களிப்புச் செய்துள்ளது என்பதையும் நமது சமய, சமூக, அரசியல் தலைமைகள் அன்று தொட்டு இன்று வரை நாட்டுப் பற்றோடு செயற்பட்டுள்ளனர்;;; இன்றும் அவ்வாறே செயற்பட்டு வருகின்றனர் என்பதையும், இந்நாட்டு முஸ்லிம்கள் பிரிவினைவாத செயற்பாடுகளிலோஇ சமய நிந்தனைகளிலோ, சமய சண்டைகளிலோ ஈடுபடாதவர்கள் என்ற உண்மையையும் வெளிப்படுத்தும் ஓர் அரிய சந்தர்ப்பமாக இவ்வருட சுதந்திர தின விழா அமைய வேண்டும் என்று அகில இலங்கை ஜம்இய்யத்துல் உலமா கருதுகின்றது.

அத்துடன் முஸ்லிம்கள் வாழும் பிரதேசங்களில் அது சம்பந்தமான நிகழ்ச்சிகள், போட்டிகள் மற்றும் மாற்று மத சகோதரர்களுடன் சந்திப்புகள் போன்றவற்றை நடத்துவதோடு; எமது நாட்டின் தேசியக் கொடியை தத்தமது இல்லங்களிலும், பாடசாலைகளிலும், வியாபார நிலையங்களிலும் ஏற்றுமாறும் சகல முஸ்லிம்களையும் ஜம்இய்யா கேட்டுக் கொளகின்றது. அதே நேரம் பொது வேலைத் திட்டங்கள், சிரமதானங்கள் போன்றவற்றில் அயலில் வாழும் மாற்று மதத்தவர்களையும் இணைத்துக் கொள்வது சமூக சகவாழ்வுக்கு வழி வகுக்கும் என்பதையும் ஜம்இய்யா நினைவு படுத்திக் கொள்கின்றது.
வஸ்ஸலாம்!


அஷ்.-ஷைக் எச்.உமர்தீன்
செயலாளர்- பிரசாரக் குழு
அகில இலங்கை ஜம்இய்யத்துல் உலமா.

2017.01.09 / 1438.04.09

Message of Condolence on the Demise of Justice C.G. Weeramantry

The All Ceylon Jamiyyathul Ulama delivers this message with the deepest sympathies on the demise of Sri Lankabhimanya Christopher Gregory Weeramantry.

Justice C.G. Weeramantry, stands out as the most respected Sri Lankan jurist of highest eminence in the international arena. His judgments, writings and other scholarly deliberations have been immensely enlightening.

He authored "Islamic Jurisprudence: An International Perspective" which was a timely contribution towards the mutual understanding and harmony among the diverse communities and nations of the world. The misconception of Islam in today’s world is rightly understood long before and very much dealt with by Justice Weeramantry.

In his book “Islamic Jurisprudence – An International Perspective” states that, ‘Although the Islamic system of jurisprudence is one of the best developed and most adequate system in the world, very little is known about it by Western law students.  The average law course does not contain even a slight exposure to the richness of Islamic legal thoughts and the average law graduate passes out with no knowledge of it whatsoever’.

Justice Weeramantry also valued the significance of the separation of powers in the Islamic civilization where the judiciary is completely independent of political authority and the judges are placed in a much distinguished and higher position as against the ruler. Justice Weeramantry has also aptly named one of his books dealing with environmental issues after the Qur’anic verse epitomizing a universal message to mankind,”Tread Lightly on Earth”.

The ACJU and the Muslim Community extends its sincere condolences to his family and friends. Due honor to this great personality could be paid by at least studying and understanding his publications, which reflects of his profoundly genuine insight.

 

Ash-Sheikh M.M.A. Mubarak

General Secretary
All Ceylon Jamiyyathul Ulama

 

 

                                                                      

ஊடக அறிக்கை
1438-03-14 / 2106-12-15

சிரியா நாட்டு மக்களுக்காகப் பிரார்த்தனை செய்வோம்!

சிரியாவில் கடந்த ஜந்து ஆண்டுகளாக உள்நாட்டுப் போர் நடந்து வருகின்றது. அதன் காரணமாக பொதுமக்கள் மிகவும் அவதிப்பட்டுக் கொண்டு இருக்கின்றார்கள். கடந்த சில தினங்களாக சிரியாவின் பெரிய நகரமான அலெப்போவில் மோதல்கள் தீவிரமடைந்துள்ளன.

இதனால் அங்கிருந்து பொதுமக்கள் வெளியேறிக் கொண்டிருக்கின்றார்கள். அவர்கள் பல அசௌகரியங்களையும், கஷ்டங்களையும் எதிர்நோக்குகின்றார்கள். குழந்தைகள் பெண்கள் என்று பாராமல் அந்நாட்டு இராணுவமும் அதன் நேச நாட்டு இராணுவமும் சேர்ந்து முஸ்லிம் மக்களை படுகொலை செய்துவருகின்றது.

ஆதலால் சிரியா மக்களின் விடுதலைக்காகவும் அவர்களின் விமோசனத்திற்காகவும் துஆப் பிரார்த்தனைகளில் ஈடுபடுமாறும் அவர்களுக்கான உதவிகளை மேற்கொள்ள முன்வருமாறும் இலங்கை வாழ் அனைத்து முஸ்லிம்களையும் அகில இலங்கை ஜம்இய்யத்துல் உலமா வலியுறுத்திக் கேட்டுக் கொள்கின்றது.

 

அஷ்-ஷைக் எச். உமர்தீன்

பிரச்சாரக் குழு செயலாளர்
அகில இலங்கை ஜம்இய்யத்துல் உலமா

பின்வரும் துஆக்களை ஓதுவோம்:

 

اَللّهُمَّ  إِنَّا نَسْأَلُكَ يَا اللهُ  يَا عَظِيْمُ   يَا قَوِيُّ  يَا مَتِيْنُ.

اَللَّهُمَّ احْفَظْ حَلَبَ وَأهْلَهَا، اَللَّهُمَّ احْفَظْ حَلَبَ وَأهْلَهَا .

اَللّهُمَّ  احْفَظْ حَلَبَ وَأَهْلَهَا بِحِفْظِكَ يَا رَبَّ الْعَالَمِيْنَ.

اَللّهُمَّ إِنَّا اسْتَوْدَعْنَاكَ حَلَبَ وَأَهَلَهَا : أَمْنَهَا وَأَمَانَهَا،  لَيْلَهَا وَنَهَارَهَا ، أَرْضَهَا وَسَمَاءَهَا فَاحْفَظْهُمْ يَارَبَّ الْعَالَمِيْنَ مِنْ كُلٍ سُوْءٍ وَمَكْرُوْهٍ.

اَللّهُمَّ إِنَّا نَسْتَوْدِعُكَ رِجَالَ حَلَبَ وِنِسَاءَهَا وَشَبَابَهَا وَأَطْفَالَهَا.

اَللَّهُمَّ احْفَظْهُمْ وَارْعَهُمْ وَانْصُرْهُمْ عَلَى عَدُوِّهِمْ يَارَبَّ الْعَالَمِيْنَ.

اَللّهُمَّ  انْصُرْهُمْ عَلَى عَدُوِّهِمْ ، اَللّهُمَّ  انْصُرْهُمْ عَلَى عَدُوِّهِمْ ، اَللّهُمَّ  انْصُرْهُمْ عَلَى عَدُوِّهِمْ. اَللّهُمَّ انْصُر إِخْوَانَنَا الْمُسْلِمِيْنَ فِيْ كُلِّ مَكَانٍ اَلْمُسْتَضْعَفِيْنَ مِنْهُمْ  يَا رَبَّ الْعَالَمِيْنَ.

اَللّهُمَّ عَلَيْكَ بِمَنْ يُرِيْدُ ظُلْمًا أَوْ سُوْءً لِلْإِسْلَامِ وَالْمُسْلِمِيْنَ.

اَللّهُمَّ انْصُرِ الْإِسْلَامَ وَأَهْلَهُ بِرَحْمَتِكَ يَا أَرْحَمَ الرِّاحِمِيْنَ.