அகில இலங்கை ஜம்இய்யத்துல் உலமாவின் அம்பாரை மாவட்டக் கிளை மற்றும் அம்பாரை மாவட்ட பள்ளிவாசல்கள் சம்மேளனம் ஆகிய இணைந்து 28.10.2018 அன்று முஸ்லிம் விவாக விவாகரத்து சட்ட திருத்தம் தொடர்பாக உலமாக்கள் மற்றும் பள்ளிவாசல் நிருவாகிகள் ஆகியோருக்கு தெளிவூட்டும் கருத்தரங்கு ஒன்று நிந்தவூர் ஜும்மா பெரிய பள்ளிவாசலில் இடம் பெற்றது.

ஊடகப்பிரிவு

அகில இலங்கை ஜம்இய்யத்துல் உலமா 

அகில இலங்கை ஜம்இய்யத்துல் உலமாவின் நிந்தவூர் கிளையின் ஏற்பாட்டில் 2018.10.27 அன்று நிந்தவூரில் இயங்கி வரும் இரண்டு ஜனாஸா நலன்புரி அமைப்புக்களின் பிரதிநிதிகளுடனான சந்திப்பு ஒன்று நிந்தவூர் ஜுமுஆ மஸ்ஜிதில் இடம் பெற்றது. இந்நிகழ்வில் ஜனாஸா நல்லடக்கம் தொடர்பான சில விடயங்களும் கலந்துரையாடப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா 

அகில இலங்கை ஜம்இய்யத்துல் உலமாவின் நிந்தவூர் கிளையின் ஏற்பாட்டில் 20.10.2018 அன்று இடம் பெற்ற கூட்டத்தில் எடுக்கப்பட்ட முடிவின் பிரகாரம் நிந்தவூரில் இயங்கி வரும் ஸக்காத் சபையுடனான சந்திப்பு  2018.10.23 அன்று இடம் பெற்றது. இந்நிகழ்வின் போது ஸக்காத் சபையின் செயற்பாடுகள் சம்பந்தமாக கிளையின் உறுப்பினர்கள் கேட்டறிந்து கொண்டதுடன், இன்னும் பல விடயங்கள் சம்பந்தமான அபிப்பிராயங்களும், ஆலோசனைகளும் கிளையின் உறுப்பினர்களினால்  முன்வைக்கப்பட்டது. இந்நிகழ்வில் நிந்தவூர் கிளை சார்பாக பல உலமாக்களும், ஸக்காத் சபையின் உறுப்பினர்களும் கலந்து கொண்டனர்.

 

ஊடகப்பிரிவு

அகில இலங்கை ஜம்இய்யத்துல் உலமா 

அகில இலங்கை ஜம்இய்யத்துல் உலமாவின் நிந்தவூர் கிளையின் ஏற்பாட்டில்  சமகால பிரச்சினைகளுக்கான தீர்வு எனும் தொனிப் பொருளிலான நிகழ்வு ஒன்று  2018.07.21 அன்று நிந்தவூர் ஜும்ஆப் பள்ளிவாசலில் நடைபெற்றது. இந்நிகழ்வில் 350 இற்கும் மேற்பட்டவர்கள் கலந்து கொண்டனர்.

 

ஊடகப்பிரிவு

அகில இலங்கை ஜம்இய்யத்துல் உலமா

 

 

அகில இலங்கை ஜம்இய்யத்துல் உலமாவின் நிந்தவூர் கிளையின் ஏற்பாட்டில் 28.01.2018  ஆம் திகதி அன்று  இரவு நேரத்தில் இடம்பெறும் பெண்களுக்கான மற்றும் சிறுவர்களுக்கான பாடங்களை தடைசெய்தல் சம்பந்தமாக ஊரின் மிகப்பிரதானமான சபைகளின் தலைவர்கள் மற்றும் செயலாளர்களுடனான இறுதி கட்ட முடிவெடுக்கும் கூட்டம் ஒன்று இடம் பெற்றது.

இதன்போது பின்வரும் முடிவுகள் எடுக்கப்பட்டன.


1.பெண்களுக்கான மற்றும் சிறுவர்களுக்கான இரவு நேர பாடங்கள் நிறுத்தப்பட வேண்டும் என்பதில் அனைத்து நிறுவனங்களும் ஒருமித்த கருத்தை கொண்டுள்ளன.

2.மாலை 6.00மணிக்கு பின்னரும் காலை 7.00 மணிக்கு முன்னரும் ஊரில் பெண்களுக்கான சிறுவர்களுக்கான பாடங்களை தடைசெய்தல்

3. அடுத்த மாத ஜூம்ஆக்களில் இது தொடர்பான விழிப்புணர்வு குத்பா பிரசங்கம் செய்தல்

4. தேர்தல் முடிவடைந்த பின்னர் உடனடியாக இரவு நேர வகுப்பு நடாத்தும் ஆசிரியர்கள் அழைக்கப்பட்டு தடைசெய்தல் சம்பந்தமாக கூறி அதன் பின்னர் ஊர் பூராக அறிவித்தல் கொடுக்கப்படும்.

 

ஊடகப்பிரிவு 

அகில இலங்கை ஜம்இய்யத்துல் உலமா