04.11.2018 ஆம் திகதி அகில இலங்கை ஜம்இய்யத்துல் உலமாவின் மாத்தளை நகர் கிளையின் ஏற்பாட்டில் ஜம்இய்யாவினால் அறிமுகப்படுத்தப்பட்டு நடைமுறைப்படுத்தப்பட்டு வரும் தேசிய வலயமைப்புத் திட்டத்தின் கீழ் நியமிக்கப்பட்ட ஒவ்வொரு மஸ்ஜித்களுக்கான ஆறு பேர் கொண்ட குழுவினருக்கு "வாலிபர்களுக்கு வழிகாட்டுவதன் அவசியம்" எனும் தொனிப் பொருளில் வழிகாட்டல் கருதத்தரங்கு நிகழ்வொன்று இடம் பெற்றது.

ஊடகப்பிரிவு

அகில இலங்கை ஜம்இய்யத்துல் உலமா 

03.11.2018 ஆம் திகதி அகில இலங்கை ஜம்இய்யத்துல் உலமாவின் கண்டி மாவட்டக் கிளையின் கல்விப்பிரின்  ஏற்பாட்டில்   கண்டி மாவட்ட மாவட்ட அரபு மத்ரஸாக்களில் இவ்வருடம் கா.பொ.த (சா/த) பரீட்சைக்கு தோற்றும் மாணவர்களுக்கான இஸ்லாம் பாடத்திற்கான வழிகாட்டல் கருத்தரங்கு நிகழ்வொன்று மாவட்டக் காரியாலயத்தின் கேட்போர் கூடத்தில் நடைபெற்றது.

ஊடகப்பிரிவு

அகில இலங்கை ஜம்இய்யத்துல் உலமா 

03.11.2018  ஆம் திகதி அகில இலங்கை ஜம்இய்யத்துல் உலமாவின் முள்ளிப்பொத்தானை கிளையின் ஏற்பாட்டில்  முஸ்லிம் விவாக விவாகரத்து சட்ட திருத்தம் தொடர்பான விழிப்புணர்வு நிகழ்வு ஒன்று நடாத்தப்பட்டது. இந்நிகழ்வில் உலமாக்கள், பள்ளிவாசல் நிருவாகிகள், ஆசிரியர்கள், நலன் விரும்பிகள் என பலரும் கலந்து கொண்டனர். 

ஊடகப்பிரிவு

அகில இலங்கை ஜம்இய்யத்துல் உலமா 

 

03.11.2018 ஆம் திகதி அகில இலங்கை ஜம்இய்யத்துல் உலமாவின் மாத்தளை நகர் கிளையின் மாதாந்த ஒன்று கூடல்  இடம் பெற்றது. இதன் போது ஜம்இய்யாவின் செயற்பாடுகள் மற்றும் நடவடிக்கைகள் மாத்தளை நகர் கிளைக்கு உட்பட்ட கிராமங்களுக்கு சென்றடையாமளிருப்பதற்கான காரணங்கள் சம்பந்தமாக கலந்துரையாடப்பட்டதுடன்  அவ்வப்பகுதிகளில் இருக்கின்ற உலமாக்களை அழைத்து இது சம்பந்தமாக கலந்துரையாடுவதென முடிவு செய்யப்பட்டது.  

ஊடகப்பிரிவு

அகில இலங்கை ஜம்இய்யத்துல் உலமா

02.11.2018 ஆம் திகதி அகில இலங்கை ஜம்இய்யத்துல் உலமாவின் புல்மோட்டை கிளையின் புதிய நிருவாகிகளுக்கான ஒன்று கூடல் ஒன்று புல்மோட்டை பெரிய ஜுமுஆ மஸ்ஜிதில் இடம் பெற்றது. இதன் போது அகில இலங்கை ஜம்இய்யத்துல் உலமாவினால் நாடலாவிய ரீதியில் செயற்படுத்தப்பட்டு வரும் தேசிய நல்லிணக்க வேலைத் திட்டத்தை தமது பகுதிகளில் செயற்படுத்துவது தொடர்பாக கலந்துரையாடப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா

 

இன்று (02.11.2018) அகில இலங்கை ஜம்இய்யத்துல் உலமா முஸ்லிம் அமைப்புகளுடன் “முஸ்லிம் சமூகத்தின் முன்னேற்றத்திற்கான எமது கூட்டு முயற்சிகள்” எனும் தலைப்பில் ஒரு கலந்துரையாடலை அதன் தலைமையகத்தில் ஏற்பாடு செய்திருந்தது. இக்கலந்துரையாடலில் அகில இலங்கை ஜம்இய்யத்துல் உலமாவின் நிறைவேற்றுக் குழு உறுப்பினர்களும் முஸ்லிம் அமைப்புகளின் பிரதிநிதிகளும் பங்குபற்றினர். பி.ப 4.00 மணியளவில் ஆரம்பமான இந்நிகழ்ச்சியில் வரவேற்புரையை அகில இலங்கை ஜம்இய்யத்துல் உலமாவின் பொதுச் செயலாளர் அஷ்-ஷைக் எம்.எம்.ஏ முபாறக் அவர்கள் நிகழ்த்தினார்கள். அதனைத் தொடர்ந்து அகில இலங்கை ஜம்இய்யத்துல் உலமாவின் நிறைவேற்றுக் குழு உறுப்பினர் அஷ்-ஷைக் அர்கம் நூரமித் அவர்கள் கூட்டத்தின் நோக்கம் பற்றி குறிப்பிட்டார்கள். அதிலே அவர் முஸ்லிம் அமைப்புகள் பல சேவைகளை செய்தபோதும் கூட்டாக பல விடயங்களை மேற்கொள்ள வேண்டிய தேவை இருப்பதாகவும் ஒருவருக் கொருவர் பரஸ்பரம் உதவி செய்து கூட்டாக பணிகளை மேற்கொள்ளும் போது பல நன்மைகளை அடையலாம் எனவும் குறிப்பிட்டார்.

அதனைத் தொடர்ந்து முஸ்லிம் அமைப்புகளின் பிரதிநிதிகள் தமது அமைப்பு மேற்கொள்ளும் சேவைகளையும் பணிகளையும் முன்வைத்தனர். குறித்த கலந்துரையாடலில் இவ்வாறான அனுபவ பகிர்வுகள் தொடர்ந்தும் நடைபெற வேண்டும் என்றும் இதன் மூலம் ஒவ்வொரு அமைப்பும் அடுத்த அமைப்புகள் மேற்கொள்ளும் சேவைகளை அறிந்து அவற்றுடன் இணைந்து செயற்பட இது உதவியாக அமையும் என்றும் அவர்கள் குறிப்பிட்டனர். இக்கலந்துரையாடலில் பின்வரும் அமைப்புகளும் இயங்கங்களும் பங்குபற்றின:

  1. Advocacy and Reconciliation Council
  2. Al Kafaala Foundation
  3. All Ceylon Yong Men’s Muslim Association Conference
  4. Association of Muslim Youth of Sailan (Jamiyyathus Shabab)         
  5. Centre for Islamic Studies
  6. Ceylon Baithulmal Fund
  7. Colombo District Masjids Federation
  8. International Islamic Relief Organization
  9. Islamic Center
  10. Jamathus Salamh
  11. Muslim Aid
  12. Muslim Council of Sri Lanka
  13. Nidha Foundation
  14. Sri Lanka Jamaat e-Islami
  15. Sri Lanka Muslim Media Forum
  16. Zam Zam Foundation guarantee Limited

இக்கலந்துரையாடல் பி.ப 06.00 மணியளவில் கப்பாரதுல் மஜ்லிஸுடன் நிறைவுபெற்றது.

 

ஊடகப் பிரிவு

அகில இலங்கை ஜம்இய்யத்துல் உலமா

02.11.2018

 

30.10.2018 ஆம் திகதி அகில இலங்கை ஜம்இய்யத்துல் உலமாவின் நற்பிட்டிமுனை கிளை மற்றும் நற்பிட்டிமுனை நம்பிக்கையாளர் சபை ஆகியன இணைந்து போதைப் பொருள் பாவனை எதிர்ப்புப் பேரணி, மாநாடு ஆகியவற்றை  நடாத்தியது. இதில் வர்த்தக சங்க உறுப்பினர்கள், சமூக சேவை அமைப்புக்கள், பாடசாலை மாணவர்கள, பொது மக்கள் என பலரும் கலந்துகொண்டனர்.

ஊடகப்பிரிவு

அகில இலங்கை ஜம்இய்யத்துல் உலமா

31.10.2018 அன்று அகில இலங்கை ஜம்இய்யத்துல் உலமாவின் கொழும்பு மத்திய  கிளையின் மாதாந்த ஒன்று கூடல் மருதானை சின்ன பள்ளியில்  இடம் பெற்றது. இந்நிகழ்வில் தமது கிளையினால் மாதாந்தம் ஏற்பாடு செய்யப்படும் பயான் நிகழ்வு சம்பந்தமாக கலந்துரையாடப்பட்டு நவம்பர் மாதத்திற்கான நிகழ்சியை புதுக்கடை ஸஃத் இப்னு அபீ வக்காஸ் பள்ளிவாசலில் உலமாக்களின் சேவையும் பொதுமக்களின் பங்களிப்பும் எனும் தலைப்பில் நடாத்த முடிவு செய்யப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா

அகில இலங்கை ஜம்இய்யத்துல் உலமாவின் முள்ளிப்பொத்தானை கிளையின் மாதாந்த ஒன்று கூடல் 29.10.2018 அன்று மஹ்ரிப் தொழுகையை தொடர்ந்து கிளையின் தலைவர் அஷ்-ஷைக் ஷபீக் (ஸஹ்ரி) அவர்களின் தலைமையில் கிளையின் அலுவலகத்தில் நடைபெற்றது. இக் கூட்டத்தில் சமூக நலன் கருதி பல விடயங்கள் ஆலோசனை செய்யப்பட்டதோடு பின்வரும் விடயங்கள் தீர்மானிக்கப்பட்டது.

✒ மஸ்ஜித் நிருவாகிகள், துறைசார்ந்தவர், பாடசாலை அதிபர்களை அழைத்து முஸ்லிம் விவாக விவாகரத்து சட்ட திருத்தம் தொடர்பான விழிப்புனர்வு நிகழ்ச்சியொன்றை நடாத்துதல்

✒ எதிர்வரும் மாதம் 25ம் திகதி நடைபெற இருக்கும் ஜம்இய்யாவின் NNP - தேசிய வலையமைப்புத் திட்ட அறிமுக நிகழ்விற்கு எமது பிரதேச ரீதியாக 30 பேர்களை கலந்து கொள்ள ஏற்பாடு செய்தல்.

✒ கிளையின் பொருளாலரின் ராஜினாமா பற்றி சபையோர் கவனத்திற் கொண்டு வரப்பட்டு அது தொடர்பாக சில தீர்மானங்கள் எடுக்கப்பட்டன.

✒ எமது பிரதேசத்தில் உள்ள முக்கிய பிரமுகர்களை (KOL) சந்திப்பது பற்றி கலந்துரையாடப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா

அகில இலங்கை ஜம்இய்யத்துல் உலமாவின் அம்பாரை மாவட்டக் கிளை மற்றும் அம்பாரை மாவட்ட பள்ளிவாசல்கள் சம்மேளனம் ஆகிய இணைந்து 28.10.2018 அன்று முஸ்லிம் விவாக விவாகரத்து சட்ட திருத்தம் தொடர்பாக உலமாக்கள் மற்றும் பள்ளிவாசல் நிருவாகிகள் ஆகியோருக்கு தெளிவூட்டும் கருத்தரங்கு ஒன்று நிந்தவூர் ஜும்மா பெரிய பள்ளிவாசலில் இடம் பெற்றது.

ஊடகப்பிரிவு

அகில இலங்கை ஜம்இய்யத்துல் உலமா