10.11.2020 (23.03.1442)


தற்போது உலக நாடுகளை அச்சுறுத்திக் கொண்டிருக்கும் கொரோனா வைரஸினால் பலர் பாதிக்கப்பட்டுள்ளதை யாவரும் அறிவோம். பாதிக்கப்பட்ட அனைவரும் அவசரமாக இந்நோயிலிருந்து குணமடைய வேண்டுமென அகில இலங்கை ஜம்இய்யத்துல் உலமா பிரார்த்திக்கின்றது.


இவ்வைரஸின் பாதிப்பால் நாட்டில் பலரின் இயல்பு வாழ்க்கை பாதிக்கப்பட்டிருக்கின்றது. குறிப்பாக தனிமைப்படுத்தல் ஊரடங்குச் சட்டம் அமுல்படுத்தப்பட்டுள்ள பொலிஸ் பிரிவுகளுக்குட்பட்டவர்களில் நாளாந்தம் உழைத்து தமது அன்றாட தேவைகளை பூர்த்தி செய்யக்கூடியவர்கள் பெரிதும் பாதிக்கப்பட்டிருக்கின்றார்கள். இவ்வாறானவர்களை அடையாளங் கண்டு இன மத பேதமின்றி அவர்களுக்கு தம்மால் முடிந்த உதவிகளை செய்ய முன் வரவேண்டுமென அகில இலங்கை ஜம்இய்யத்துல் உலமா அனைவரையும் கேட்டுக் கொள்கின்றது.


“அயலவன் பசித்திருக்க தான் மாத்திரம் வயிறு நிரம்ப புசிப்பவன் உண்மை விசுவாசியல்ல” என நபி ஸல்லல்லாஹூ அலைஹி வஸல்லம் அவர்கள் கூறியுள்ளார்கள். உணவளிப்பது என்பது இஸ்லாத்தில் பெரும் நன்மையை ஈட்டித்தரும் செயலாகும். அதேபோன்று சதகாக்கள் சோதனைகளை விட்டும் எம்மைப் பாதுகாக்கும் என்பதும் நபி மொழியாகும். எனவே, இவ்வாறான சந்தர்ப்பங்களில் அதிகமாக சதகாக்களில் ஈடுபடுவது மிகச் சிறந்த அமலாகும்.


அகில இலங்கை ஜம்இய்யத்துல் உலமாவின் மாவட்ட/ பிரதேசக் கிளைகள், மஸ்ஜித் சம்மேளனங்கள், மஸ்ஜித்கள் மற்றும் ஏனைய அமைப்புக்கள் தத்தம் பிரதேசங்களில் வாழும் மக்களை இனங்கண்டு உதவிகளை செய்யவதோடு, பக்கத்து மாவட்டங்களில் பாதிக்கப்பட்டிருக்கும் மக்களுக்கும் தங்கள் உதவிக் கரங்களை நீட்டுமாறு ஜம்இய்யா மிக அன்பாக வேண்டிக் கொள்கின்றது.


மேலும், இவற்றுக்கான ஏற்பாடுகளைச் செய்கின்றவர்கள் அரசாங்கத்தின் சட்டங்களை மதித்து, உரிய அனுமதிகளைப் பெற்று ஏற்பாடுகளை முன்னெடுக்குமாறும் அகில இலங்கை ஜம்இய்யத்துல் உலமா வேண்டிக் கொள்கின்றது.


கொவிட் 19 வைரஸின் காரணமாக ஊரடங்குச் சட்டம் பிறப்பிக்கப்பட்டிருக்கும் பிரதேசங்களும், அப்பிரதேசங்களில் வாழ் மக்களுக்கு உதவிகளை மேற்கொள்ள வேண்டிய ஜம்இய்யாக் கிளைகளின் தகவல்களும் பின்வரும் அட்டவணையில் குறிப்பிடப்பட்டுள்ளன. அதனடிப்படையில் குறிப்பிட்ட ஜம்இய்யாக் கிளைகள் உலர் உணவுப் பொதிகளை வழங்குதல் போன்ற தம்மாலான உதவிகளை வழங்கி நன்மைகளை பெற்றுக் கொள்வதோடு ஏனைய பிரதேசங்களில் உள்ளவர்களுக்கும் உதவிகளை மேற்கொள்வதற்கான ஏற்பாடுகளைச் செய்வதை ஜம்இய்யா எதிர்பார்க்கின்றது.


எனவே, மேற்கூறப்பட்ட அடிப்படையில் உதவிகளை மேற்கொள்ள முன்வருபவர்கள் ஜம்இய்யாவின் சமூக சேவைக் குழு ஒருங்கிணைப்பாளரான அஷ்-ஷைக் எம்.எச்.எம். பவாஸ் 0777571876 அவர்களுடன் தொடர்பு கொள்வதன் மூலம் தேவையான வழிகாட்டல்களைப் பெற்றுக் கொள்ளலாம் என்பதையும் இத்தால் குறிப்பிட்டுக் கொள்கின்றோம்.


உதவித் தேவைப்படும் பிரதேசங்கள் மற்றும் உதவிகளை மேற்கொள்ளும் ஜம்இய்யாவின் மாவட்ட மற்றும் பிரதேசக் கிளைகளின் விபரங்கள்

 

கொவிட் 19 நோயின் காரணத்தினால் ஊரடங்கில் உள்ள பிரதேசங்கள்

உதவிகளை மேற்கொள்வதற்காக பிரித்துக் கொடுக்கப்பட்ட பகுதிகள்/ஜம்இய்யா கிளைகள்
மாவட்டம்  ஊரடங்கு அமுலில் உள்ள பகுதிகள் 
கொழும்பு 




மட்டக்குளிய, முகத்துவாரம், புளுமென்டோல், கொட்டாஞ்சேனை.  மடவளை பிரதேசம்
கிரேண்ட்பாஸ், கரையோர பிரதேச பொலிஸ் பிரிவு, ஆட்டுப்பட்டித் தெரு.  கண்டி நகரம்
மாளிகாவத்தை, தெமட்டகொட

 

அக்குரணை, கல்ஹின்னை


வெல்லம்பிட்டிய
வாழைத்தோட்டம்
பொரலை.
கம்பஹா

வத்தளை, பேலியகொட,

 

மாத்தறை மாவட்டம், ஹம்பாந்தோட்டை மாவட்டம்

கடவத்தை, ராகம,
நீர்கொழும்பு
பமுணுகம
ஜா-எல, சப்புகஸ்கந்த
களுத்துறை ஹொரணை, இங்கிரிய பொலிஸ் பிரிவு மற்றும் வேகட மேற்கு கிராம சேவையாளர் பிரிவு  காலி மாவட்டம்
கேகாலை 
மாவனெல்ல
மாத்தளை மாவட்டம், பலாங்கொடை நகரம்.
ருவன்வெல்ல
குருநாகல் குளியாப்பிட்டிய பொலிஸ் பிரிவு குருணாகலை மாவட்டம்
மட்டக்களப்பு  வாழைச்சேனை பொலிஸ் பிரிவு காத்தானகுடி, ஏறாவூர்
     
குறிப்பு: கொழும்பு மாவட்டக் கிளை பொதுவாக அனைத்து பிரதேசங்களிலும் செயற்படும் 

 

All Ceylon Jamiyyathul Ulama
AC NO 1901005000
Commercial Bank
IBU Branch

 

All Ceylon Jamiyyathul Ulama
AC NO 0010112110014
Amana Bank
Main Branch

 

 

 அஷ்-ஷைக் கே. அப்துர் ரஹ்மான் (பஹ்ஜி) 
செயலாளர் - கிளைகள் விவகாரக் குழு 
அகில இலங்கை ஜம்இய்யத்துல் உலமா 

 

அஷ்-ஷைக் ஏ.எல்.எம். ரிழா
உப தலைவர்
அகில இலங்கை ஜம்இய்யத்துல் உலமா

 

 

21.02.2019 / 15.06.1440

புராதன சின்னங்கள் இருக்கும் இடங்களில் அவதானமாக நடந்து கொள்வோம்

பல்லின மக்கள் வாழ்ந்து வரும் இந்நாட்டில் ஒவ்வொரு இனத்திற்குமான தனித்துவங்களும் வேறுபட்ட கலாச்சாரங்களும் இருந்து வருவதை நாம் காண்கின்றோம். அவ்வாறான தனித்துவங்களை பேணிப் பாதுகாப்பதில் ஒவ்வொரு இனத்தவரும் கரிசனை செலுத்தி வருகின்றனர். அது ஒவ்வொருவரினதும் உரிமையாகும்.

அதேபோல் வரலாற்றை நிரூபிக்கும் சின்னங்களாக சில இடங்களை அரசாங்கம் அடையாளப்படுத்தி அவற்றை புராதன சின்னங்களென பாதுகாத்து வருகின்றது. இதற்கென பல சட்ட திட்டங்களும் நடைமுறையில் இருந்து வருவதை நாம் அறிவோம்.

இவ்வாறான இடங்களில் நடந்து கொள்ள வேண்டிய முறைகளை எமது சில வாலிபர்கள் பேணத் தவறிய இரு சம்பவங்கள் அண்மையில் நடைபெற்றதை அனைவரும் அறிவோம். இப்படியான செயல்கள் மாற்று மத சகோதரர்களால் இனவாத செயற்பாடுகளாக நோக்கப்படுவது மாத்திரமன்றி, இதனால் நாட்டின் அனைத்து முஸ்லிம்களும் பாதிப்புக்குள்ளாகின்றனர். இவ்வாறான விடயங்களை அகில இலங்கை ஜம்இய்யத்துல் உலமா வன்மையாகக் கண்டிக்கிறது. 

சக இனங்களின் தனித்துவ விடயங்கள் தொடர்பாகவும், நாட்டின் புராதன சின்னங்கள் தொடர்பாகவும், அவ்வாறான இடங்களுக்கு செல்லும் போது நடந்து கொள்ள வேண்டிய முறைகள் பற்றியும் எமது சமூகத்தவருக்கு தெளிவுகளை வழங்குவது அவசியமாகும். குறிப்பாக எமது வாலிபர்களுக்கு இது தொடர்பாக வழிகாட்டல்களை வழங்க வேண்டும். இது விடயத்தில் சமூகத்தை வழி நடாத்துகின்றவர்கள், பெற்றோர்கள், உலமாக்கள், கதீப்மார்கள், புத்திஜீவிகள்,  பாடசாலை ஆசிரியர்கள் என அனைவரும் கூடிய கவனம் செலுத்த வேண்டுமென அகில இலங்கை ஜம்இய்யத்துல் உலமா கேட்டுக் கொள்கின்றது.

விஷேடமாக சுற்றுலாக்களை மேற்கொள்ளும் பாடசாலை மாணவர்கள் உட்பட அனைவரும் இவ்வாறான இடங்களுக்கு செல்கின்ற போது அவ்விடங்களில் நடந்து கொள்ள வேண்டிய முறைகளை அறிந்து செயற்படுமாறு அகில இலங்கை ஜம்இய்யத்துல் உலமா அனைவரிடமும் வேண்டிக் கொள்கின்றது.

அதே போன்று புராதன சின்னங்கள் என அடையாளப்படுத்தப்பட்டுள்ள இடங்களில் நடந்து கொள்ள வேண்டிய விதம் தொடர்பான அறிவுறுத்தல்கள் உள்ளடங்கிய தெளிவான அறிவித்தல் பலகைகளை மும்மொழிகளிலும் இடுமாறு உரிய அதிகாரிகளிடம் அகில இலங்கை ஜம்இய்யத்துல் உலமா கேட்டுக் கொள்கின்றது.

 

அஷ்-ஷைக் எம்.எம்.எ முபாறக்

பொதுச் செயலாளர்,

அகில இலங்கை ஜம்இய்யத்துல் உலமா

  

ஒன்பது தசாப்தங்களை தாண்டி அகில இலங்கை ஜம்இய்யத்துல் உலமா மக்களுக்கு தன்னாலான பணிகளைச் செய்து வருகின்றது. இன்று 15 உப பரிவுகளை உள்ளடக்கி நாடளாவிய ரீதியில் சுமார் 150இற்கும் மேற்பட்ட கிளைகளினூடாக தனது செயற்பாடுகளை விரிவாக்கி செயற்பட்டு வருவதை நாம் அறிவோம்.ஒற்றுமையே பலம் என்பதை அன்றிலிருந்து ஜம்இய்யா வலியுருத்தி வருகின்றது. நாட்டில் சிறுபான்மையினராக வாழும் முஸ்லிம்களாகிய நாம் குழுக்களாக, இயக்கங்களாக பிரிந்து ஒருவரை ஒருவர் எதிர்ப்பது மிகவும் ஆபத்தான ஒன்றாகும்.

சமூகத்தில் சுமூக நிலையை உருவாக்குவது உடனடித் தேவையாகவும், சன்மார்க்கக் கடமையாகவும் உள்ளது என்பதை உணர்ந்த ஜம்இய்யா 2009 ஆம் ஆண்டு ஆகஸ்ட் மாதம் நாட்டிலுள்ள தரீக்காக்களையும், தஃவா அமைப்புக்களையும் பிரதிநிதித்துவப் படுத்துகின்ற வகையில் ஒத்தழைப்புக்கும் ஒருங்கிணைப்புக்குமான குழு (CCC) எனும் ஒர் பிரிவை அமைத்து பல்வேறு நடவடிக்கைகளை மேற்கொண்டு வருகின்றது. அல்ஹம்துலில்லாஹ்.

இதன் முயற்சிகளில் ஒன்றாக 2010ஆம் ஆண்டு சமூக ஒற்றுமை காலத்தின் தேவை சன்மார்க்க கடமை எனும் தலைப்பில் நூல் எழுதும் போட்டி ஒன்றை உலமாக்கள் மட்டத்தில் நடத்தியது. அப்போட்டியில் சமர்ப்பிக்கப்படும் நூற்களை தெரிவு செய்வதற்காக அஷ்-ஷைக் எம்.எம்.ஏ. முபாறக், அஷ்-ஷைக் ஏ.ஸி. அகார் முஹம்மத், அஷ்-ஷைக் எஸ்.எச். ஆதம் பாவா, அஷ்-ஷைக் ஏ.எல்.எம் இப்றாஹீம், அஷ்-ஷைக் எம். ஹாஷிம் ஷுரி, அஷ்-ஷைக் அப்துல்லாஹ் மஹ்மூத் ஆகியோர் கொண்ட குழுவொன்றும் நியமிக்கப்பட்டது.

இறுதியாக அக்குழு அஷ்-ஷைக் முப்தி கே.எச்.எம் மபாஸ், அஷ்-ஷைக் எம்.ஏ.ஸீ.எம் பாழில் ஹுமைதி ஆகியோர் இணைந்து எழுதிய புத்தகத்தை முதலாமிடத்திற்குரிய நூலாக பிரகடனப்படுத்தியதுடன் அதற்கான பரிசீல்களும் வழங்கி வைக்கப்பட்டது.

இப்புத்தகத்தில் வேற்றுமையில் ஒற்றுமை பற்றிய ஷரீஆவின் நிலைப்பாட்டை அல்குர்ஆன், அஸ்ஸுன்னா, வரலாறு மற்றும் எம்முன் சென்ற இமாம்களின் வாழ்க்கையின் ஒளியில் ஆதாரபூர்வமாக தெளிவுபடுத்தப்பட்டுள்ளதுடன், இப்புத்தகம் இலகு வடிவில் தொகுக்கப்பட்டுள்ளமை அனைவரிற்கும் வாசித்து பயன்பெற வழி வகுக்குகின்றது.

தற்போது முதலாமிடம் பெற்ற அந்நூலையே அகில இலங்கை ஜம்இய்யத்துல் உலமா எதிர் வரும் 30.12.2018 அன்று தெஹிவலை முஹியித்தீன் ஜுமுஆ மஸ்ஜிதில் வெளியிட இருக்கின்றது.

புத்தகங்களை பெற்றுக் கொள்ள அழையுங்கள்


0117490490

05.12.2018 அன்று அகில இலங்கை ஜம்இய்யத்துல் உலமாவின் நிந்தவூர் கிளையின் ஏற்பாட்டில் கிளையின் தஃவா பிரிவின் தலைவர் அஷ்-ஷைக் இஸ்மத் அவர்களின் தலைமையில்  அகில இலங்கை ஜம்இய்யத்துல் உலமா சபையின் மேற்பார்வையின் கீழ் இயங்கும் நிந்தவூர் - அம்பாறை மக்தப் மத்திய நிலைய நிர்வாகிகளுடனான கலந்துரையாடல் ஒன்று இடம் பெற்றது.

ஊடகப்பிரிவு

அகில இலங்கை ஜம்இய்யத்துல் உலமா

29.11.2018 அன்று அகில இலங்கை   ஜம்இய்யதுல்  உலமாவின் வவுனியா மாவட்டம் பட்டானிச்சூர்  கிளையின் ஏற்பாட்டில்  சர்வமத குழு LOCAL INTER RELIGIOUS COMMITTEE   ( LLRC) அமைப்பின் அனுசரணையின்  ஊடாக  உலமாக்களுக்கான " மத சக வாழ்விற்கான கூட்டு  ஈடுபாடு " எனும் தொனிப்பொருளில்  விஷேட  கலந்துரையாடல் ஒன்று பட்டானிச்சூர்  மன்பஉல் உலூம் அரபுக்கல்லூரியில்  நடைபெற்றது .

ஊடகப்பிரிவு

அகில இலங்கை ஜம்இய்யத்துல் உலமா

29.11.2018 ஆம் திகதி அகில இலங்கை ஜம்இய்யத்துல் உலமாவின் தலைமையகத்தில்  அழைப்புப் பணி எனும் தலைப்பிலான கருத்தரங்கு ஒன்று  நடாத்தப்பட்டது. இந்நிகழ்வில் தலைமையகத்தில் கடமை புரிவோர் கலந்து கொண்டனர்.

ஊடகப்பிரிவு

அகில இலங்கை ஜம்இய்யத்துல் உலமா

17.11.2018 ஆம் திகதி அகில இலங்கை ஜம்இய்யத்துல் உலமாவின் மாத்தளை மாவட்டக்  கிளையின் மாதாந்த ஒன்று கூடல் நிககொல்லை ஜுமுஆ மஸ்ஜிதில்  இடம் பெற்றது. இதன் போது கிளையின் செயற்பாடுகள் தொடர்பாக கலந்துரையாடப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா

16.11.2018 ஆம் திகதி அகில இலங்கை ஜம்இய்யத்துல் உலமாவின் கம்பளை பிரதேச கிளையின் ஏற்பாட்டில் போதைப் பொருட் பாவனையை  எதிர்த்து  ஊர்வலம் ஒன்று இடம் பெற்றது. இந்நிகழ்வில் உலமாக்கள், கல்விமான்கள், வாலிபர்கள், நலன்விரும்பிகள் என ஆயிரத்திற்கும் அதிகமானவர்கள் கலந்து கொண்டனர்.

ஊடகப்பிரிவு

அகில இலங்கை ஜம்இய்யத்துல் உலமா

15.11.2018 ஆம் திகதி அகில இலங்கை ஜம்இய்யத்துல் உலமாவின் வவுனியா மாவட்டம் பட்டாணிச்சூர் கிளையின் மாதாந்த ஒன்று கூடல் இடம் பெற்றது. இந்நிகழ்வில் கிளையின் உறுப்பினர்கள் கலந்து கொண்டனர். இக் கூட்டத்தில் சமூக நலன் கருதி பல விடயங்கள் ஆலோசனை செய்யப்பட்டது.

ஊடகப்பிரிவு

அகில இலங்கை ஜம்இய்யத்துல் உலமா

 

03.11.2018 ஆம் திகதி அகில இலங்கை ஜம்இய்யத்துல் உலமாவின் மாத்தளை நகர் கிளையின் மாதாந்த ஒன்று கூடல்  இடம் பெற்றது. இதன் போது ஜம்இய்யாவின் செயற்பாடுகள் மற்றும் நடவடிக்கைகள் மாத்தளை நகர் கிளைக்கு உட்பட்ட கிராமங்களுக்கு சென்றடையாமளிருப்பதற்கான காரணங்கள் சம்பந்தமாக கலந்துரையாடப்பட்டதுடன்  அவ்வப்பகுதிகளில் இருக்கின்ற உலமாக்களை அழைத்து இது சம்பந்தமாக கலந்துரையாடுவதென முடிவு செய்யப்பட்டது.  

ஊடகப்பிரிவு

அகில இலங்கை ஜம்இய்யத்துல் உலமா