அண்மைக்கால பாத்வா
COVID 19 பரிசோதனை நோன்பை முறிக்குமா?
16-04-2021 46
இவ்வடிப்படையில், ஷாபிஈ மத்ஹபுடைய அறிஞர்களின் கருத்தின் பிரகாரம் COVID 19 பரிசோதனையில் மூக்கிலும் வாயிலும் செலுத்தப்படும் கருவி மேற்குறிப்பிட்ட எல்லைகளைத் தாண்டிச் செல்வதில்லை என இத்துறையில் தேர்ச்சி பெற்ற வைத்தியர்கள் உறுதிபடக் கூறுவதால் இவ்வாறு பரிசோதனை செய்வதால் நோன்பு முறியாது. எனினும், ஏதேனுமொரு விதத்தில் மேற்கூறப்பட்ட எல்லையை குறித்த கருவி தாண்டியது உறுதியாகத் தெரிந்தால் நோன்பு முறிந்து விடும். அதனைப் பிரிதொரு தினத்தில் கழா செய்து கொள்ள வேணடும்.
முழு பாத்வா படிக்க“சுபர் முஸ்லிம் சிந்தனை” தொடர்பான அகில இலங்கை ஜம்இய்யத்துல் உலமாவின் பத்வா
19-02-2021 493
பொதுவாக அல்குர்ஆனிலும் ஸுன்னாவிலும் மறுமைநாளின் அடையாளங்களில், சில அடையாளங்கள் மிகத்தெளிவாகவும் மற்றும் சில அடையாளங்கள் சுருக்கமாகவும் கூறப்பட்டுள்ளன. அவை எவ்வாறு கூறப்பட்டுள்ளனவோ அவற்றை அவ்வாறே நம்பி, ஏற்றுக் கொள்வது போதுமானதாகும். நபி ஸல்லல்லாஹூ அலைஹி வஸல்லம் அவர்களுடன் தோழமை கொண்டிருந்த சஹாபாக்கள், அவர்களைத் துயர்ந்தவர்கள் மற்றும் இமாம்கள் போன்றோர் அவற்றை அவ்வாறே நம்பி செயலாற்றியுள்ளதுடன், மற்றவர்களுக்கு போதனை செய்தும் வந்துள்ளனர். 1400 வருடங்களுக்கும் மேலாக பாதுகாக்கப்பட்டு வந்த இந்த அடிப்படையை வெறுமனே பகுத்தறிவுக்கு உட்படுத்தி இஸ்லாமிய மூலாதாரங்களுக்கு அப்பால் ஒரு தனிநபரின் சிந்தனைக்கு தோன்றிய விடயங்களை மார்க்கமாக ஆக்கி, பிரசாரத்தில் ஈடுபட்டு இஸ்லாத்தில் சந்தேகங்களை ஏற்படுத்துவது பெரும்பாவமாகும். நீங்கள் குறிப்பிட்டுள்ள கேள்விகளை நோக்கும் போது, ஷைக் இம்ரான் ஹூஸைன் (திரினிடாட்) என்பவரது சிந்தனைப் போக்கைத் தழுவியவர்களது வினாக்களாகவே தென்படுகின்றன. இவரது கருத்துக்களை நோக்கும் போது அவை, பல தெளிவான குர்ஆன் வசனங்களுக்கும், ஆதாரபூர்வமான ஹதீஸ்களுக்கும் மாற்றமானவையாக இருப்பதுடன், மார்க்க அறிஞர்களின் ஏகோபித்த கருத்துக்களுக்கும் மாற்றமாக உள்ளதையும் காணலாம்.
முழு பாத்வா படிக்கதனக்கு வரவேண்டிய கடனை ஸக்காத்தில் கழித்தல்
11-02-2021 185
தனக்கு வரவேண்டிய கடனை ஸக்காத்தில் கழித்து அதை தான் கொடுக்கும் ஸக்காத்தாக மாற்றுவது சம்பந்தமாக பத்வாக் கோரி 2009.08.10 ஆந் தேதியிட்டு தங்களால் அனுப்பி வைக்கப்பட்ட கடிதம் இத்தால் தொடர்புகொள்ளப்படுகிறது. எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (ஸல்லல்லாஹூ அலைஹி வஸல்லம்) அவர்கள் மீதும், அவர்கள் கிளையார்கள், தோழர்கள் மீதும் உண்டாவதாக! ஸக்காத் எண்ணமும் செயலும் ஒருங்கே சம்பந்தப்பட்ட ஓர் இபாதத் ஆகும். ஸக்காத் கொடுக்க கடமையானவர் கடமையாகிய சமயத்தில் கடமையான பொருளில் இருந்து குறிப்பிட்ட ஸக்காத் பங்கை, பெறுமதியை வேறாக்கி அதனை ஸக்காத் பெற தகுதியானவர்களுக்கு உரிய முறைப்படி வழங்கிவிட வேண்டும். ஸக்காத் பெற தகுதியான ஒருவரிடமிருந்து தனக்கு வரவேண்டிய கடனை ஸக்காத் கொடுக்க கடமைப்பட்டவர் ஸக்காத்துக்கு பகரமாக கழித்து விடுவது மேற்சொல்லப்பட்ட ஸக்காத் கொடுக்கும் முறைக்கு முரண்பட்டதாகும். ஒருவரிடமிருந்து இன்னொருவருக்கு நடைமுறையில் பொருள், பணம் ஸக்காத்தாக கையளிக்கப்பட வேண்டும். அல்லாஹ் தஆலா அல்-குர்ஆனில் பின்வருமாறு இயம்புகிறான்: “நபியே! அவர்களுடைய செல்வங்களிலிருந்து தர்மத்தை (ஸக்காத்தை) எடுப்பீராக!” (09 : 103) மேலும் நபி (ஸல்லல்லாஹூ அலைஹி வஸல்லம்) அவர்கள் முஆத் (ரழியல்லாஹூ அன்ஹூ) அவர்களை யமனுக்கு ஆளுநராக அனுப்பி வைத்த சமயத்தில் பின்வருமாறு கூறினார்கள்: “அவர்களின் செல்வந்தர்களிடமிருந்து எடுக்கப்பட்டு அவர்களின் ஏழைகளுக்கு கொடுக்கப்படும் ஸக்காத்தை அவர்களின் செல்வங்களில் அவர்கள் மீது அல்லாஹ் கடமையாக்கியுள்ளான் என அவர்களுக்கு நீர் அறிவிப்பீராக!” (நூல்: சஹீஹ் அல்-புகாரி, பாடம்: ஸக்காத் கடமையாதல், அறிவிப்பவர்: அப்துல்லாஹ் இப்னு அப்பாஸ் ரழியல்லாஹூ அன்ஹூமா) மேற்படி அல்-குர்ஆன் வசனத்திலிருந்தும் ஹதீஸிலிருந்தும் ஸக்காத் கைக்குக்கை மாறுவது செயலில் நடைபெறவேண்டும் என்பது தெளிவாகின்றது. எனவேதான் இமாம்களான ஷாபிஈ, அபூ ஹனீபா, அஹ்மத் (ரஹிமஹூமுல்லாஹ்) ஆகியோரும் இன்னும் பல இமாம்களும் ஒருவர் தனக்கு வரவேண்டிய கடனை ஸக்காத்திற்கு பகரமாக கழித்துக்கொள்ள முடியாது என்கின்றனர்.
முழு பாத்வா படிக்கஸக்காத் விதியாகும் பொருட்களுக்கு வருடாந்தம் ஸக்காத் கொடுக்க வேண்டுமா?
11-02-2021 195
தங்கம், வெள்ளி, கால் நடைகள், வியாபாரப் பொருட்கள் ஆகியவற்றில் ஸக்காத் கடமையாவதற்கு (12 அரபு மாதங்களைக் கொண்ட) ஒரு வருடம் பூர்த்தியடைதலும் ஒரு நிபந்தனையாகும். மேற்படி பொருட்களில் ஒவ்வொரு வருடமும் ஸக்காத் கடமையாகும். இதுவே நேர்வழி பெற்ற கலீஃபாக்கள், சஹாபிகளது பொதுவான நடைமுறையாகவும் இருந்து வந்துள்ளது. எனவே, ஒவ்வொரு வருடமும் ஸக்காத் கொடுப்பது கடமையாகும். ஸக்காத் விதியாகும் ஒரு பொருளில் வாழ்நாளில் ஒரு முறை மாத்திரம் ஸக்காத் கொடுத்தல் போதுமானதாகாது.
முழு பாத்வா படிக்கயஃஜுஜ் மஃஜுஜ் தொடர்பான மார்க்க விளக்கம்
03-02-2021 215
யஃஜூஜ், மஃஜூஜ் என்பவர்கள் யாவர்? அவர்கள் வெளியாகிவிட்டனரா? உலக அழிவு நெருங்கிவிட்டதா? என்பன தொடர்பான கேள்விகள், பலர் மூலம் தொடராக வினப்படுகின்றன. இவற்றைப்பற்றி அல் குர்ஆன் அஸ் ஸூன்னாவின் ஒளியில் தெளிவு பெறுவது பொருத்தமானதாகும். யஃஜூஜ், மஃஜூஜ் என்ற கூட்டத்தினர் வெளிப்படுவது மறுமையின் இறுதியாக நிகழும் பெரிய அடையாளங்களில் ஓர் அடையாளமாகும் என்பது அல்குர்ஆனில் சுருக்கமாகவும், ஆதாரபூர்வமான ஹதீஸ்களில் தெளிவாகவும் கூறப்பட்டுள்ளது. இந்நிலையில் சிலர் தமது பகுத்தறிவு வாதங்களை முன்வைத்து, யஃஜுஜ் மஃஜுஜ் கூட்டத்தினர் வெளியாகிவிட்டனர் என்ற தவறான ஒரு பிரச்சாரத்தை முன்வைத்து, சமூகத்தில் வீணான குழப்பங்களை உண்டுபண்ணுகின்றனர். இவர்களின் இந்தப் போங்கு ஆதாரபூர்வமான பல நபிமொழிகளை மறுக்கும் நிலையை ஏற்படுத்தி, சமூகத்தை ஒரு பேராபத்தின் பக்கம் இட்டுச்செல்ல வழிவகுக்கும். யஃஜூஜ், மஃஜூஜ்; கூட்டத்தினர் மனிதர்களில் உள்ள ஒரு பிரிவினராவர். நபி நூஹ் அலைஹிஸ் ஸலாம் அவர்களின் புதல்வர்களில் ஒருவரான யாபிஸ் என்பவரது சந்ததியினராவர். அவர்கள் உலகில் பெரும் குழப்பங்களில் ஈடுபட்டதன் காரணமாக துல்கர்னைன் அலைஹிஸ் ஸலாம் அவர்கள் மூலம், அவர்கள் இருந்த இடத்திலிருந்து வெளிவர முடியாமல் பெரும் சுவர் கட்டப்பட்டு தடுக்கப்பட்டுள்ளனர்.
முழு பாத்வா படிக்கஇஸ்லாமிய சட்டவாக்கம் மற்றும் மரணித்தவர்களின் உடல்களை பூமியில் அடக்கம் செய்வது தொடர்பான மார்க்க விளக்கம்
17-01-2021 602
மரணித்த ஒருவரின் உடலை பூமியில் அடக்கம் செய்ய வேண்டும் என்பதையே அல் குர்ஆன், அல் ஹதீஸ், அல் இஜ்மாஃ, அல் கியாஸ் ஆகிய மூலாதாரங்கள் தெளிவாகக் குறிப்பிட்டுள்ளன. அடக்கம் செய்வது பற்றிய அல் குர்ஆனின் வசனங்கள் : 1. مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ ( سورة طه : 55) இப்பூமியிலிருந்து நாம் உங்களைப் படைத்தோம்; அதனுள்ளேயே நாம் உங்களை மீட்டுவோம் இன்னும், அதிலிருந்தே நாம் உங்களை மீண்டும் வெளிப்படுத்துவோம். (தாஹா : 55). இவ்வசனத்தில் “நீங்கள் மரணித்ததும் நாம் உங்களை பூமியினுள்ளே மீட்டுவோம்” என்று அல்லாஹ் கூறுவதன் மூலம், மரணித்த அனைவரும் பூமியின் பக்கம் மீட்டப்பட வேண்டும் என்ற கருத்தை அல்லாஹூ தஆலா குறிப்பிடுகின்றான். அடக்கம் செய்வது பற்றி நபி ஸல்லல்லாஹூ அலைஹி வஸல்லம் அவர்களின் ஹதீஸ்கள் : 6. (عن أبي سعيدٍ الخُدْريِّ رضِيَ اللهُ عنه، أنَّ رسولَ اللهِ صلَّى الله عليه وسلَّم قال: اذهبوا، فادْفِنوا صاحِبَكم. (صحيح مسلم : 2236) நபி ஸல்லல்லாஹூ அலைஹி வஸல்லம் அவர்கள் தனது தோழர்களிடம், நீங்கள் சென்று உங்களது தோழரை நல்லடக்கம் செய்யுங்கள் என்று கூறினார்கள். (ஸஹீஹ் முஸ்லிம் : 2236) 7. (عن جابرٍ رَضِيَ اللهُ عنه، أنَّ النبيَّ صلَّى الله عليه وسلَّم قال: ادفِنوا القَتْلى في مصارِعِهم. (سنن أبي داود : 8557) நபி ஸல்லல்லாஹூ அலைஹி வஸல்லம் அவர்கள் உஹத் என்ற இடத்தில் ஷஹீதாக்கப்பட்டவர்களைக் குறித்து தம்தோழர்களிடம், அவர்கள் ஷஹீதாக்கப்பட்ட இடங்களிலேயே அவர்களை நல்லடக்கம் செய்து விடுங்கள் என்று கூறினார்கள். (ஸூனன் அபீ தாவூத் : 8557)
முழு பாத்வா படிக்க2019.04.21 அன்று இடம்பெற்ற உயிர்த்த ஞாயிறு தாக்குதலின் முக்கிய சூத்திரதாரியாக கருதப்படும் ஸஹ்ரான் ஹாஷிமின் கருத்துக்கள், பேச்சுக்கள், செயற்பாடுகள் மற்றும் அவற்றினால் கவரப்பட்டோரின் நிலை குறித்து அகில இலங்கை ஜம்இய்யத்துல் உலமாவின் பத்வா
06-02-2021 200
புனித அல்-குர்ஆன் எந்த சூழ்நிலையிலும் ஒரு அப்பாவியின் உயிரை பறிக்க முடியாது என்று வெளிப்படையாகக் கூறுகிறது. மேற்கண்ட அல் குர்ஆன் வசனங்கள் மற்றும் ஹதீஸ்கள், அல்லாஸூ தஆலா நபி முஹம்மத் ஸல்லல்லாஸூ அலைஹி வஸல்லம் அவர்களை கருணை காட்டுபவராக இவ்வையகத்துக்கு அனுப்பியுள்ளான் என்பதையும், இஸ்லாம் தீவிரவாதத்தை வன்மையாகக் கண்டிக்கிறது என்பதையும், எந்நிலையிலும் நடுநிலையாகவும், நிதானமாகவும், மிதமாகவும் நடந்துகொள்ள வேண்டும் என்பதையும் பிறருக்கு அநியாயம் இழைக்கக்கூடாது என்பதையும் வலியுறுத்துகின்றன. தற்கொலையை பெரும்பாவமென கூறி முற்றிலும் அதை தடைசெய்துள்ள இஸ்லாம், அந்தப் பாவச் செயலில் ஈடுபடுவோருக்கு கடுமையான தண்டனை மறுமையில் உண்டு எனவும் எச்சரித்துள்ளது. இவ்விடயம் நாற்பதுக்கும் மேற்பட்ட ஹதீஸ்களால் உறுதி செய்யப்பட்டுள்ளது. தாம் வசிக்கும் நாட்டின் சட்டத்தை பின்பற்றி நடப்பது முஸ்லிம்களின் பொறுப்பாகும் என்பதுடன், தனிநபர்கள் சட்டத்தை கையில் எடுத்து செயல்படுத்துவதை ஒருபோதும் இஸ்லாம் அனுமதிக்கவில்லை. தற்காலத்தில் “மூளைச் சலவை செய்யப்பட்ட” முஸ்லிம் பெயர்தாங்கிகள் சிலர் இஸ்லாத்தின் போதனைகளுக்கு முற்றிலும் மாற்றமான தீவிரவாத சிந்தனையுடன் உலகளவில் செயல்பட்டுவருவதை பார்க்க முடிகிறது. அதனால், உலகம் முழுவதும் இஸ்லாம் பற்றிய அச்சம் ஏற்படுத்தப்படுகின்றது. 2015.07.23 ஆம் திகதி அகில இலங்கை ஜம்இய்யத்துல் உலமா மற்றும் ஏனைய முஸ்லிம் அமைப்புக்கள் இணைந்து இவ்வாறான தீவிரவாத சிந்தனைகளுக்கும் இஸ்லாத்துக்கும் எவ்வித தொடர்பும் இல்லை என்ற பிரகடனத்தை வெளியிட்டது. இதே அடிப்படையிலேயே சர்வதேச பத்வா அமைப்புக்களின் பத்வாக்களும் அமைந்திருக்கின்றன. ஸஹ்ரான் ஹாஷிம் மற்றும் அவனது சகாக்களால் உயிர்த்த ஞாயிறு 2019.04.21 அன்று மேற்கொள்ளப்பட்ட கொடூரமான தாக்குதலை நாம் வன்மையாகக் கண்டித்தோம். இம்மிலேச்சத்தனமான தாக்குதலால், அப்பாவி மக்கள் பரிதாபமாக கொல்லப்பட்டு இன்னும் பலர் காயங்களுக்குள்ளாக்கப்பட்டதோடு, தேவாலயங்கள் மற்றும் ஹோட்டல்களும் சேதப்படுத்தப்பட்டன. இஸ்லாமிய போதனைகளுக்கு மாற்றமாக மேற்கொள்ளப்பட்ட மிலேச்சத்தனமான இந்த தாக்குதலை நடாத்திய ஸஹ்ரான் ஹாஷிமின் செயற்பாடுகள், இஸ்லாத்திற்கு முரணானது என்ற காரணத்தினால் தான், அந்த கொடூர தாக்குதலை மேற்கொண்டோரின் உயிர்களை முஸ்லிம் சமூகம் பொறுப்பேற்க வேண்டாம் என்று அகில இலங்கை ஜம்இய்யத்துல் உலமா பத்வா வெளியிட்டது. இந்த மிலேச்சத்தனமான தாக்குதலை நடாத்திய ஸஹ்ரான் ஹாஷிமும், அவனது சகாக்களும் அல் குர்ஆன் வசனங்களையும் ஹதீஸ்களையும் பிழையாக வியாக்கியானம் செய்துள்ளனர். அவர்களது செயற்பாடுகளை நியாயப்படுத்த அல்குர்ஆனிலோ ஹதீஸிலோ எந்தவொரு அனுமதியும் கிடையாது. இது தொடர்பான பூரணமான விளக்கம் முஸ்லிம் சமய பண்பாட்டலுவல்கள் திணைக்களத்தின் ஒத்துழைப்புடன், அகில இலங்கை ஜம்இய்யத்துல் உலமா வெளியிட்டுள்ள “மதத்தின் பெயரால் தீவிரவாதம் வேண்டாம்” என்ற புத்தகத்தில் தெளிவாகக் குறிப்பிடப்பட்டுள்ளது. இவ்வாறான நெறி தவறிய தீவிரவாத சிந்தனைகளிலிருந்து முழு சமூகத்தையும் தேசத்தையும் பாதுகாத்துக் கொள்ள இவ்விடயத்தில் அவதானமாகவும் எச்சரிக்கையாகவும் இருக்குமாறு அனைத்து முஸ்லிம்களையும் கேட்டுக் கொள்கின்றோம். எல்லாம் வல்ல அல்லாஹ்வே யாவற்றையும் நன்கு அறிந்தவன்.
முழு பாத்வா படிக்கஅசாதாரண சூழ்நிலையில் ஜுமுஆத் தொழுகை தொடர்பான வழிகாட்டல்
17-11-2020 904
நாட்டின் பல பாகங்களிலிருந்தும் பலர், இக்கட்டான இச்சூழ்நிலையில் ஜுமுஆ தொழுகையை நிறைவேற்றும் விடயத்தில், அகில இலங்கை ஜம்இய்யத்துல் உலமாவின் வழிகாட்டலை கோரிய வண்ணம் உள்ளனர். ஜுமுஆத் தொழுகை ஏனைய பர்ளான தொழுகைகளை விட்டும் சிறப்பாலும் சட்டத்தாலும், அதனை விடும் பொழுது எச்சரிக்கையாலும் வித்தியாசப்பட்ட ஒரு தொழுகையாகும். ஏனைய தொழுகைகளைப் போன்றல்லாது மக்கள் அனைவரும் ஓர் இடத்தில் ஒன்று சேர்ந்து தொழ வேண்டும் என்பதே ஜுமுஆத் தொழுகை விடயத்தில் நபி ஸல்லல்லாஹூ அலைஹி வஸல்லம் அவர்களின் வழிகாட்டலாகும். ஜுமுஆ நிறைவேறுவதற்கு பல ஒழுக்கங்களும் நிபந்தனைகளும் உள்ளன. அந்நிபந்தனைகளில் ஊரில் வசிக்கும் நிரந்தரக் குடியிருப்பாளர்களில் குறிப்பிட்ட எண்ணிக்கையினர் அங்கு சமுகமளித்திருப்பதும் ஒன்றாகும். என்றாலும், குறித்த எண்ணிக்கை விடயத்தில் ஆதாரங்களின் அடிப்படையில் மார்க்க அறிஞர்களுக்கு மத்தியில் கருத்து வேறுபாடுகள் நிலவுகின்ற போதிலும், ஷாபிஈ மற்றும் ஹன்பலி மத்ஹப்களைச் சேர்ந்த அறிஞர்கள் உட்பட இன்னும் பல அறிஞர்கள் 40 நபர்கள் சமுகமளித்திருப்பது கட்டாயம் என்றும் ஹனபி மற்றும் மாலிகி மத்ஹப்களில் அதைவிட குறைவான எண்ணிக்கையுடையோர் சமுகமளித்திருப்பதைக் கொண்டும் ஜுமுஆ நிறைவுறும் என்றும் கூறுகின்றனர்.
முழு பாத்வா படிக்கCovid-19 தாக்கத்தினால் மரணித்த முஸ்லிம் ஒருவரின் உடலை தகனம் செய்வது தொடர்பான மார்க்கத் தெளிவு
17-01-2021 222
மரணித்த ஒரு முஸ்லிமின் உடலை எந்நிலையிலும் தகனம் செய்வதற்கு இஸ்லாத்தில் அனுமதிக்கப்படவில்லை. ஒரு முஸ்லிம் மரணித்த பின்னர், அந்த உடலை குளிப்பாட்டி, கபனிட்டு, தொழுகை நடாத்தி, கௌரவமான முறையில் முஸ்லிம்களது மையவாடியில் அடக்கம் செய்வது முஸ்லிம்களின் மீது பர்ழு கிபாயாவாகும். மேற்குறித்த கிரியைகளில் ஏதேனும் ஒன்று மார்க்கம் அனுமதித்த காரணம் இன்றி நிறைவேற்றப்படாவிட்டால், மார்க்க கடமைகளை சரிவர நிறைவேற்றவில்லை என்ற காரணத்தினால் அல்லாஹ்விடத்தில் அனைத்து முஸ்லிம்களும் குற்றவாளிகளாக கருதப்படுவர். அதனடிப்படையில், மரணித்தவரின் உடலை கட்டாயமாக அடக்கம் செய்யப்படவேண்டும் என்பது மார்க்கத்தில் கட்டாயமானதொன்றாக, நபி சல்லல்லாஹ{ அலைஹி வஸல்லம் அவர்களின் காலம் தொடக்கம் இன்று வரை, நான்கு மத்ஹப்களின் அறிஞர்கள் உள்ளிட்ட அனைவராலும் ஏகோபித்த இஸ்லாமிய தீர்ப்பாகக் கருதப்படுகின்றது. கடலில் பிரயாணம் செய்யும் ஒருவர் மரணிப்பாராயின் அவரது உடலைக் கூட நல்லடக்கம் செய்வதற்கு பொருத்தமான நிலம் ஒன்றை அடைவது சாத்தியமற்ற நிலையில், குறித்த உடலை பாரம் ஒன்றை கட்டி கடலுக்குள் இறக்கி விட வேண்டும். இந்த விதிவிலக்கை வேறு எந்தவொரு சந்தர்ப்பத்துக்கும் உபயோகப்படுத்த முடியாது.
முழு பாத்வா படிக்கவட்டிப் பணங்களை அறவிட்டு ஏழைகளுக்கு உதவி செய்வது தொடர்பாக
09-12-2019 1850
மேலும், அல்லாஹ்வின் தூதர் ஸல்லல்லாஹ அலைஹி வஸல்லம் அவர்கள், வட்டி வாங்குபவரையும் வட்டி கொடுப்பவரையும், அதற்குக் கணக்கு எழுதுபவரையும் அதன் இரு சாட்சிகளையும் சபித்தார்கள். மேலும், “இவர்கள் அனைவரும் (பாவத்தில்) சமமானவர்கள் ஆவர்” என்று கூறினார்கள் என ஜாபிர் ரழியல்லாஹ அன்ஹ அவர்கள் அறிவிக்கின்றார்கள்.
முழு பாத்வா படிக்க- அதிகம் பார்க்கப்பட்டது
- மிக வாக்களித்தனர்
வாத்திய இசை
எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும்...
04-08-2016 1729
மேலும் படிக்கஆரோக்கியத்துக்குக் கெடுதி தரும் பதார்த்தங்கள் கலந்த உணவுப் பொருட்களை உண்ணலாமா
எல்லாப் புகழும் வல்ல அல்லாஹ்வுக்கே. ஸலாத்தும், ஸலாமும் அவனின் இறுதித் தூதர் முஹம்மத் ஸல்லல்லாஹ அலைஹிவஸல்லம் அவர்கள் மீதும், அவர்களது கிளையார்கள்...
02-10-2019 983
மேலும் படிக்கவக்ப் சொத்துக்களைப் பெண் நிர்வகித்தல்
எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும்...
05-08-2016 1660
மேலும் படிக்ககைவிடப்பட்ட பழைய மஸ்ஜிதை பாலர் பாடசாலையாக மாற்றுதல்
அஸ்ஸலாமு அலைக்கும் வறஹ்மதுல்லாஹி வபரகாத்துஹ எல்லாப் புகழும் வல்ல அல்லாஹ்வுக்கே. ஸலாத்தும், ஸலாமும் அவனின் இறுதித் தூதர் முஹம்மத் (ஸல்லல்லாஹ{ அலைஹி...
10-10-2019 861
மேலும் படிக்கபள்ளிவாசல் நிர்மாணிப்பதற்காக வசூலிக்கப்பட்ட பணத்திலிருந்து கடன் கொடுத்தல்
எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் சல்லல்லாஹு அலைஹி வஸல்லம் அவர்கள் மீதும்...
05-08-2016 1614
மேலும் படிக்கவாழ்நாளில் உம்ராவை மாத்திரம் செய்து கொண்டிருத்தல்
எல்லாப் புகழும் வல்ல அல்லாஹ்வுக்கே. சலாத்தும், சலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும்...
09-08-2015 1799
மேலும் படிக்கஸக்காத் பெறத் தகுதி உடையவர்களுக்கு தொழில் வாய்ப்பினை ஏற்படுத்திக் கொடுத்தல்
எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும்...
02-08-2016 1567
மேலும் படிக்கயஃஜுஜ் மஃஜுஜ் தொடர்பான மார்க்க விளக்கம்
2021.01.181442.06.04 அன்புடையீர்!அஸ்ஸலாமு அலைக்கும் வறஹ்மதுல்லாஹி வபறகாத்துஹூ எல்லாப் புகழும் அல்லாஹ்வுக்கே; சலாத்தும், ஸலாமும் அவனின் இறுதித் தூதர் முஹம்மத் சல்லல்லாஹூ அலைஹி...
03-02-2021 215
மேலும் படிக்கஇரத்ததானம்
எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (சல்லல்லாஹு அலைஹி வஸல்லம்) அவர்கள் மீதும்...
04-08-2016 1662
மேலும் படிக்க